Apostolmi 9:11 - Sümi Tiqhelimi Bible

¹¹ Ampeu no pa vilo pi, “Müzüchoi ipi chekeu laghila lo Judas ki lo wulo eno Tarsusmi Saul ipikeu iniju lo, kughengu pa ye akighini shi anie.

BAIBEL (BSI)

¹¹ Ampeu no pa vilo pi, “Ithu puzu Muzuchoyi ipichekeu laghilalo wulo, eno Judas kilo Tarsus lono timi lakhi Saul ipikeu phuwulo. Paye akighini shi ani,

Sumi Naga CL (Re-edited) Bible (BSI)

¹¹ Ampeu no pa vilo pi, “Ithu no Müzüchoi ipi chekeu laghi lo wuno Judas kilo Tarsusmi Saul ipikeu phuwulo, kughengu pa ye akighini shi ani,

Apostolmi 9:11 Referans Kwoze

Apostolmi 22:3

“Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

Apostolmi 21:39

Paul no khochile, “Ni ye Cilicia lo Tarsus lono ighi kemi Jewmi ke, inapügha mishighüna lo aghakütsami kumoe. Kimiye no I pelo timiqo pütsalu pelo.”

Apostolmi 9:30

Kughou pülüluve kemiqo no hipau ghili ithive keno, panongu no Saul sasü Caesarea lo iqi no Tarsus lo pa puwuve.

Apostolmi 11:25

Tisheno Barnabas ye Saul phu nike ghenguno Tarsus lo wuve,

Apostolmi 11:13

Kungumi lakhi no pa ki lo ighino pa vilo kíshi pi keno tipau pesü ningu vilo ishi pi, ‘Joppa lo timi puwu no Simon khuu Peter ipi ku cheni keno pa kuwu pelo.

Apostolmi 8:26

Ampeu’w kungumi no Philip vilo pi, “Apéu küdau asàye laghi lo ti Jerusalem lono Gaza lo iqi chekeu laghi lo wulo.”

Apostolmi 2:21

Eno Ampeu jeku kemi kümtsü xaluve nani.’

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

Apostolmi 8:22

Küsakügha hipau lono xaideghivelo eno nono hitoi keu kükümsü O lolo akeu kipimí pevetsü penike ghenguno Ampeu lau lajupu qhi no inikhulo.