Apostolmi 8:3 - Sümi Tiqhelimi Bible

³ Ikemu Saul no akukuhoki kütsa thuve. Pa no aki-aki kümtsü lo ilo no küpülümi kipitimi ngò totimi kinikujo süqosü akughuki lo sükhave.

BAIBEL (BSI)

³ Tishi akelo, Saul ye akukuho kutsaniye pukaputsa ae. Pano aki kumtsulo ilo puzu kupulumiqo kiptimi ngo totimi sunhekiti sasu ipe puzu akughukilo sunhesu.

Sumi Naga CL (Re-edited) Bible (BSI)

³ Ikemu Saul no akukuhou kütsa thuve, pa no aki kümtsü lo ilo no küpülümi kiptimi totimi sünhekiti sawo akughuki lo süve.

Apostolmi 8:3 Referans Kwoze

1 Tim. 1:13

Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

FILIPIAMI 3:6

aküxü kütsü shi akukuhou pishi-puju chekemi lakhi; ayeza papelu keu lono achipiumikucho shilu cheghi aye, ni ye tukutiye kühae.

Galatiami 1:13

Kughengu nongu ye I no azüu Jewmi chineye lo kíshi xüche keno tipau ghola ghili chiluvae, ni ye Alhou kukuhou shishe pishi-puju no tipau kütsakungo niye pükapütsa cheke.

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

Apostolmi 22:19

“I no ishi khochile, ‘Ampeu, I no synagog lakhi lono lakhi lo wu no O pülü chekemiqo heqhi eno akughu shive chekeu timi hipaqo no ithi anike.

Apostolmi 9:21

Pa tsa chilu kemi kümtsü no akümzave eno ishi iniju kilé, “Timi hipau ye Jerusalem lo Jisü je picheghi kemi thaqhü kütsakungo cheke kumo keshea? Eno pa no hilau ighi keu kimiji ye Jisü jeku chekemiqo akughumi shi achinetomiqo lau sasü wu niye ighike kumo keshea?”

Apostolmi 7:58

eno panongu no mishighüna lono Stephen sünhepheve no atu pesü pa veqhi thuve. Tishi akelo ju akemiqo no panonguw ubephi xapesü apumi lakhi Saul ipikeu pukhuphi lo qhive.

James 2:6

Ikemu nongu no athokhami gihumove ke. Kinímiqo no nongu haphe anike kumoe? Nongu sünhe pesü küghaki lo wu keu ye panongu ke kumo keshea?

Apostolmi 8:2

Alhou’w timiqo no Stephen sükumo qhovetsü eno pa ghenguno shishe mloqae.

Apostolmi 16:19

Kughou li no qelu chekeu lajupu kühave keu li mpeunoqo no ithive keno panongu no Paul ngò Silas pama tsüqüluve no pama sünhepe aqó lhikishi-a lo ayekipemiqo zülo sasü wue.