Apostolmi 6:5 - Sümi Tiqhelimi Bible

⁵ Akükümsü hipau kümtsü no puloluve. Panongu no aküpülü eno Aghungu Kimthe no chhitoi akeu Stephen kishelu; eno Philip Procorus, Nicanor, Timon, Parmenas eno Antioch lono ighi keu Jewmi chineye luve kemi Nicolas noqo ghí kishelu.

BAIBEL (BSI)

⁵ Hipau tsalo aqo kuchopuno aloqilu, ike panonguno hipaqo kishelu: Stifan, paye akupulu ngo Aghungu Kimth no chhitoikemi, Filip, Prokhora, Nikanor, Timon, Permena, Antiokmi Nikola paye Judami chine lono pekidelukemi ishi kishelu.

Sumi Naga CL (Re-edited) Bible (BSI)

⁵ Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Apostolmi 6:5 Referans Kwoze

Apostolmi 11:24

Barnabas ye timi kivimi lakhi, aküpülü eno Aghungu Kimthe no chhitoi akemi, eno pa no Ampeu lau timi kutomo saighike.

Apostolmi 21:8

Thoghiu ye alà cheve püzü, ningu ye Caesarea tolu eno Philip tsavipeu ki lo ngolu, pa ye Jerusalem lo timi tsünì kishelu keqo gholo lakhi ke.

Apostolmi 6:8

Tishi akelo, Stephen ye Alhou’w küpükini eno aküka no chhitoi shi püzü akümzapu eno amichipu kümlà kijè timiqo gholo mülà ae.

Apostolmi 7:1

Tisheno achinetou no Stephen vilo iniju, “Hi nguku akeqo ye kuchou keshea?”

Apostolmi 6:3

Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve

Apostolmi 13:1

Antioch kukuhou lo tungkupumi ngò kütsü chekemiqo ae. Tiye Barnabas, Simeon tsübui kemi ipi ku chekeu, Cyrene lono ighi keu Lucius, Manaen (khuu angh Herod gholo kümtsa saputhu keno) eno Saul ke.

Apostolmi 11:19

Stephen pìthíve keu lono pishi-puju ipeghi keu vechewo küpülümi apanaghave kemiqo no Phoenicia, Cyprus eno Antioch kutólo wu no Jewmiqo dolo likhi Alhou tsa pesü külha wove.

Apostolmi 6:10

Ikemu panongu ye pa no Aghungu no alokütsü pa tsü no piakeu lo puthugho no ghechile mülave.

Piyeküsü 2:15

Tihutoi, O gholo ghí Nicolait papemiqo kükütsü tsa pape chekemi anie.

Piyeküsü 2:6

Ikemu hipau no O saphu ani: No ye Nicolait papemiqo no shi chekeqo mithi ke, ni ghí tipaqo mithi cheni ke.

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

MATTHEW 23:15

“Nongu ayeza kükütsümi ngò Phariseemiqo ghenguno ahaküsapue! Nongu kühaküghaqo! Nongu no timi lakhi mlo pebide pe no Jewmi chineye lo sǘ niye azüghi kathasü ayeghiqha kuchopu kicheghüzü shi wucheni, eno kughou tishiluve nike no, nongu no pa pesü nongu toi ghuthu kini qhemi amiyizü lomi lakhi shive pe cheni.

Apostolmi 2:4

Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 11:20

Ikemu panongu gholo khami ye Cyprus eno Cyrene lono Antioch lo wu no Ampeu Jisü tsakiviu ghili pesü panongu vilo likhi kumo no Greekmiqo vilo ghí pithuve.

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:27

Hipa ghuloki lo Jerusalem lono tungkupumi khami Antioch lo iqighi.

Apostolmi 22:20

Eno kughou Stephen no O pülü keu ghenguno pìthíve keu jì pele akeno, ni ye tile puthugho no puloküqha tsü ake eno pa heqhipithí akemiqo tiphimini jukuto tsü ake.’