Apostolmi 6:1 - Sümi Tiqhelimi Bible

¹ Tipau ghuloki lo kughou küpülümiqo alau shi iko wove keno, Greek tsa kipími Jewmiqo no Hebrew tsa kipimí Jewmiqo ye tsalà kipetsü achuqupu kijé tsü akeu lo panonguw chimemiqo juzüve tsü anike ipi muchho ipeghive.

BAIBEL (BSI)

¹ Tishiwo kusho kumolo, apapemi alau shi ikowove kehu Grik tsa kipimi Judami ngo Ibri tsa kipimi Judami dolo mutomushukeu ipeghive. Grik tsa kipimi Judamiqono pikeuno atsala atsalalo achuqupu kijetsu chekeulo panonguw chimemiqoye kughuchovetsu cheniepi pike.

Sumi Naga CL (Re-edited) Bible (BSI)

¹ Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

Apostolmi 6:1 Referans Kwoze

Apostolmi 4:35

apostolmiqo pukhuphi lo qhi, eno tiye avehupu shi akemiqo lau kijé tsü ake.

Apostolmi 2:41

Pa kükütsü sütsa ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.

James 5:9

Athiküzümi eno achelimiqo nongu lakhi no lakhi lau nhenheshi kevilo tishiaye no ye küghathabeve nani. Küghaküthau ye ahukikha lo puthugho ani!

Apostolmi 9:39

Peter no panongu gholo wu, eno kughou pa no ighi keno pa sasü achebo kunguu jolha lo saiku. Chimemi kümtsü no pa sümxa pe puthugho ae, eno panongu no qa ghi Dorcas no panongu gholo ache kelo chijeboboi-phi eno tiphimini kütau ghò keqo pa pìye.

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

FILIPIAMI 3:5

ni ye atsala akütacheu lono aphighüyiko ghave, Israelmi lakhi shi punú kemi, Benjamin laghami, ajì lono Hebrewmi shi ighi kemi lakhi; ayeza pape chekeu lono pìní aye Phariseemi lakhi;

Apostolmi 11:20

Ikemu panongu gholo khami ye Cyprus eno Cyrene lono Antioch lo wu no Ampeu Jisü tsakiviu ghili pesü panongu vilo likhi kumo no Greekmiqo vilo ghí pithuve.

Apostolmi 9:41

Peter no pa u chhopuwo no li sünhe puthuve. Tishive no Peter no küpülümiqo eno akhotoshi chimemiqo ku püzü pa no li püxü pe panongu tsüe.

Apostolmi 9:29

Pa no Greek tsa kipími Jewmiqo pütsa eno akikighe shie, ikemu panongu no pa pìthíve niye pükapütsae.

Apostolmi 5:14

Tishimu, kipitimi eno totimi alau shi Ampeu pülüluve no panongu gholo kihiküsü shiluve.

Apostolmi 4:4

Ikemu timi khunoqo no akükütsü sütsa chilu keno pülüluve; ikehu pülüluve kemi kikihi ye qhethonhe pungu kutólo ikughive.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

2 Kor. 11:22

Panongu ye Hebrewmi keshea? Ni ghí thono. Panongu ye Israelmi keshea? Ni ghí thono. Panongu ye Abraham tikughukomi keshea? Ni ghí thono.

Apostolmi 2:45

Panongu no aki-alu eno kiniküa jeliqo je pesü avehupu shi akemiqo lau küsaje ke.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

James 4:5

Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

1 Tim. 5:9

Chimemi je yekithi keu lo chimemi hipaqo likhi sülu pelo, ampe lhotsügho vecheve kemi, li kimi lau amikucho shi chekemi,

1 Kor. 10:10

Eno panongu khami no shikeu toi nhenheshi kepu kumoe—panongu no tishikehu kütsave chekeu kungumi no pìthíve ke.

Apostolmi 5:28

Achinetou no pi, “Ningu ye nongu vilo tsatsái azah tsüvea no pa je lono kütsü kevilo pivea, tishi keghi nongu no akükütsü hipau pesü Jerusalem nhachhiva eno timi hipau kithí pesü ningu kipimí shive tsü niye anie.”

Apostolmi 6:2

Tighenguno pano Chighikini no küpülümiqo kümtsü aqoshi kukütsü no pi, “Ningu ye akibepu lo chuqu-kushoqo kijé tsü nikeu ghenguno Alhou tsa pichebekümlà kughuchove akeu ye achipi kumoe.

Apostolmi 11:26

eno kughou pa no Saul phuluve keno pa sasü Antioch lo ighi. Ike Barnabas ngò Saul pama no ampe kupuju akukuhomi sasü kusholu eno timi kutomo kütsüe. Küpülümiqo ye Khristomi ipi Antioch lono atüghiu shi kulù.

Apostolmi 11:29

Küpülümiqo no pütüta no shilu keu qhemi pesü Judea lo xü akemi athiküzümi eno achelimiqo kuphuni keu shi xathalu.

Rommi 12:7

tsalá kütami qe kepu shi aghí aye, qe moayesa; tsalá kütsü kepu shi aghí aye, kütsü moayesa;

1 Tim. 5:3

Chimemi khunoqo no aveküsa kuchou shi ani keno tipaqo kuphulo.