Apostolmi 3:26 - Sümi Tiqhelimi Bible

²⁶ Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

BAIBEL (BSI)

²⁶ Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Sumi Naga CL (Re-edited) Bible (BSI)

²⁶ Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Apostolmi 3:26 Referans Kwoze

MATTHEW 1:21

Li no anu lakhi punú nani, eno no ye pa je Jisü kutsü nani, kughengu pa no paw timiqo panongu xinéqo lono xalu nani.”

Apostolmi 3:22

Kughengu Moses no pivae, ‘Ampeu nongu Lhou no nongu ghenguno tungkupu I toi ke lakhi nonguw timiqo dolo no ipeghi pe nani: nongu ye pa no pikeu kümtsü ini moayesa nani.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Apostolmi 3:25

Alhou no tungkupumi vechewo nongu pù-asü lau puloshoqhi shipepüa keu ye nongu ghí küsaje akemi ke. Pa no Abraham vilo ishi pi, ‘O nuli-kughuko vechewo ayeghi lo timi kümtsü mügha nani.’

1 Peter 1:3

Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

Ephesiami 1:3

Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani.

Rommi 15:29

Kughou I no nongu lau ighini keno, ni ye Khristo lau no ighi keu kükümgha kinikulu shi pesü ighino nongu sasü küsaje nani kepi mütsümishei ani.

Apostolmi 26:20

Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

Apostolmi 3:15

Nongu no aküxü mpeu heqhipithíve, ikemu Alhou no akithí lono pa xüputhuveke. Ningu ye hipau thopimiqo ke.

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 3:20

eno tishi keu lono pa no Messiah, khuu nongu ghenguno süküsü shipe püani keno puwu nani—tiye Jisü ke.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

MATTHEW 15:24

Jisü no khochile, “Ni ye Israelmi ambe toi pühave kemiqo lau likhi I puwu ke.”

John 4:22

Nongu Samariamiqo ye nongu no mtha keu mülá achenie; ikemu ningu ye ningu no ithi akeu mülá acheni, kughengu xakulu ye Jewmiqo lau no ighike.

Apostolmi 2:32

Alhou no Jisü hipau pe xüputhuvae eno ningu kümtsü tipauw thopimiqo ke.

Apostolmi 3:13

Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Rommi 15:8

Alhou no Apù-asüqo lau piqhipüa keu ye kuchou kepi pìye nike ghenguno Khristo ye Jewmiqo lau aqemi lakhi toi ighi kepi kümsülulo.