Apostolmi 28:4 - Sümi Tiqhelimi Bible

⁴ Züdoyeghi lo xüküamiqo no pa u lo apighi thuthu pesü akeu ithulu kelo, panongu lakhi no lakhi vilo ishi piae, “Timi hipau ye hekiqhimi shiaghini chenie; kughengu pa ye azüghi lono pokajoluve keghi Achipiu xakütha lhouliu ipikeu no pa püxümo niye shi anie.”

BAIBEL (BSI)

⁴ Tile kughunakuamiye aphighino Paul u hechije akeu ithulu puzu lakhino lakhi vilo pi. “Timi hipauye ghikiqhimi shiani putsa. Azughi lono akushukulu polu kethiu ghi azapolo kighini huno pa puxumoniye kutovae.”

Sumi Naga CL (Re-edited) Bible (BSI)

⁴ Kughou tipano ghami no pa u lo lhoxü hechijepe akeu ithulu keno, lakhino lakhi vilo pi, “Timi hipau ye mtsüqheino ghikiqhimie. Azüghi lono pojolu namu, Kuchou Xakütha huno pa püxü movae.”

Apostolmi 28:4 Referans Kwoze

Luke 13:4

Momu pano chighitache khunoqo Siloam lo akuchuqu ki no ilaiqi panongu veqhi pìthíve keno, nongu no kümsü keu ye panongu ye Jerusalem lo xü akemi kümtsü nguno shipimive küghashi keshea?

Luke 13:2

Jisü no khochile, “Nongu ye Galileemi hipaqo no hitoi imeve keu ghenguno panongu ye Galileemi kütami kümtsü nguno axinemi alhoküsau küghashi kümsü ani keshea?

Apostolmi 28:5

Ikemu Paul no apighi kilheqhi pesü ami lo sǘve eno kiumu pa shipüsa keu shimoe.

Apostolmi 28:2

Züdoyeghi lo xüküami no thosülo küpüqhiyi shichemo keu ningu lau pephe-piye ke. Ike tiye atsala tsüghua eno muko akehu panongu no ami shiqhe no akivishi ningu kümtsü sasü tsüe.

John 7:24

Ashou ithukulu shou bepe no küghatha kevilo, ikemu tishini ke züqhulo achipi shi küghatha lo.”

MATTHEW 23:35

Eno tisheno ayeghi lo amikuchomiqo jì peleve keu, Abel amikuchou ghiqhi keu jì lono wo Berekiah nu Zechariah khuu nongu no Achineki ngò akümlá-khache dolo no ghiqhi pìthíve keno ti kutólo ghenguno nongu shou aghime ikughi nani.

Piyeküsü 21:8

Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

MATTHEW 27:25

Ikelo timi kümtsü no khochile, “Pa kithí makho ye ningu shou eno ningu tianuli shou ikughi pelo.”

Apostolmi 28:3

Paul no asükügha kiche kumqo peighi no ami lo vesü akelo pighizü lakhi amikülü no gha keu lono ipeghive no pa u lo hechijeluve.