Apostolmi 27:2 - Sümi Tiqhelimi Bible

² Ningu ye Adramyttium lono ighi keu zükilu lo ikuve eno tiye Asia bocho lo wu niye shi akehu ningu ye azüghi lono cheve. Aristarchus khuu Thessalonica lono ighi eno Macedoniami keno pa ghí ningu gholo cheke.

BAIBEL (BSI)

² Ninguye Adramuto lono ashukaki lakhilo iku, tiye Asia yeghi bocholo azughi phivilo aphughiqo akeulo wuniye kuto aghi, ikehu ningu tileno wuve. Makedonia qhalo Thesalonika phughi lono ighikeu Aristarka no ningu gholo ae.

Sumi Naga CL (Re-edited) Bible (BSI)

² Adramyttium shuka, khikhi Asia cheaxü lo azüghimkü phughiqo züsü wuniye akeno, tile ikuve. Thessalonica lono ighi kemi Macedoniami lakhi Aristarchus no ningu gholo wue.

Apostolmi 27:2 Referans Kwoze

Apostolmi 19:29

Paikhavi no aphughi kuchopu lo muqhumüza igha thuve. Timiqo no Paul gholo Macedonia lono kicheghüzü shi ighi keu Gaius ngò Aristarchus pama tsüqüluve eno panongu kümtsü aqoshi züphu-zügha ghiliqa lo kohakive ilove.

Philemon 1:24

Eno tihutoi Mark, Aristarchus, Demas, eno Luke, I gholo mülà küqha akemiqo ghí petha tsü ani.

Kolosiami 4:10

I gholo akughumi shi akeu Aristarchus no petha nongu tsüpuwu ani, eno titoi Barnabas nó bolomi Mark ghí petha tsüpuwu ani. (Nongu vilo Mark ghili ashe-azü shi kichevetsü akehu tsalá pa no nongu lau ighi aye, pa sasǘ lo.)

Apostolmi 28:16

Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.

Apostolmi 28:12

Ningu no Syracuse lo ighi eno atsala küthü tilehi ngove.

Apostolmi 28:10

Panongu no aghola jeli kutomo lono ningu gihu tsüe; eno kughou ningu no zükilu lono wuve niye akeno ningu no avehupu shi akeu achuqupu kutomo ningu tsüe.

Apostolmi 28:2

Züdoyeghi lo xüküami no thosülo küpüqhiyi shichemo keu ningu lau pephe-piye ke. Ike tiye atsala tsüghua eno muko akehu panongu no ami shiqhe no akivishi ningu kümtsü sasü tsüe.

Apostolmi 21:5

Kughou wuve kepu do tove keno, ningu ye tipa-a qhive no ningu là lo cheve. Panongu kümtsü anipu eno anuliqo sasü ningu gholo no mishighüna khalau kutólo ighi, eno azüghi mükü lo ningu qhoqhünhe pe no inikhue.

Apostolmi 19:19

Tumu chekemi mqo khami no panonguw liküküzü kakuqo aqoshi pesü ighino aqha zülo no pitileve. Panongu no liküküzü kakuqo me kihikülai ju kelo ghükayi 50,000 me kutólo shi aghí.

Apostolmi 17:1

Kughou Paul eno pa küsàmiqo no Amphipolis ngò Apollonia phu vechesü ighi keno panongu no Thessalonica lo Jewmi’w synagog akeu lo ighi.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 2:9

Parthiami, Mediami, eno Elamitemi, Mesopotamia lo kungomi, Judeami eno Cappadociami, Pontus eno Asia,

Luke 8:22

Ghulo lakhi Jisü no pa khopemiqo vilo pi, “Ningu ayizükucho hukuku küdau wuni shilo.” Ikehu panongu no ashuka lo iku no wuve.