Apostolmi 26:6 - Sümi Tiqhelimi Bible

⁶ Eno itehi ye Alhou no ni pù-asüqo lau kiu tushoqhi keno I no tipau shou lajube keu ghenguno ishí ye I shou atsa kügha anie.

BAIBEL (BSI)

⁶ Itehi niye hile puthugho puzu ishou atsa kugha apekeuye Alhou no nipu asu lau piqhikeulo ino lajukeu akeu ghenguno ke.

Sumi Naga CL (Re-edited) Bible (BSI)

⁶ Itehi I no hile atsa kükügha lo puthugho akeu ye I no Alhou no ni puasü lau piqhikeu lo lajupu akeu ghenguno ke.

Apostolmi 26:6 Referans Kwoze

Apostolmi 24:15

timi hipaqo no Alhou lau lakuju ake toi ni ghí lakuju acheni, ike tiye amikuchomi eno alhoküsami kinikujo akithí lono xüputhuve nani.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

Apostolmi 28:20

Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

Rommi 15:8

Alhou no Apù-asüqo lau piqhipüa keu ye kuchou kepi pìye nike ghenguno Khristo ye Jewmiqo lau aqemi lakhi toi ighi kepi kümsülulo.

Apostolmi 23:6

Tisheno Paul no panongu khami no Sadduceemiqo eno kütami no Phariseemiqo ishi keu ithi akehu, Jewmi Hoho lo asheshu thuve, “I thiküzümiqo, ni ye Phariseemi, Phariseemi lagha lono ighi kemi ke. I no atsa kükügha-a lo puthugho akeu ye kithimi ye xülethuve nani ipi lajupu akeu ghenguno ke.”

Galatiami 4:4

Ikemu kughou ado pekithi pe püakeu kupukülai tove keno, Alhou no pa Nu puwu, pa ye totimi lakhi vechewo punú, pa ye ayeza qholo no punú,

Apostolmi 26:8

Alhou no kithimi xüputhu ke ipi kushiye nongu khami ye pülü müla no acheni kea?

Apostolmi 24:21

thime hipau ghenguno kumo kena pi aye, I no panongu gholo puthugho kelo asheshu chekeu, ‘tiye, kithimi ye xüputhuve nani pikeu ghenguno ni ye ishí nongu zülo atsa kükügha lo ani.’ ”

Apostolmi 3:24

“Kuchou no, Samuel lono huthu no tungkupumi ashe-azü tsa pi kemi kümtsü no hipaqo tsalà ghili pipüakhanie.