Apostolmi 26:20 - Sümi Tiqhelimi Bible

²⁰ Ikehu I no kütsü chekeu ye atüghishi Damascus lo akemiqo, tithiu no Jerusalem lo eno Judea qha kümtsü lo akemi eno tithiu no Jewkumomiqo pelo amlo pebideve no Alhou lau xaideghive püzü panongu no xaideghive keu hu akümlàqo lono pephe-piye peniye ke.

BAIBEL (BSI)

²⁰ Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Sumi Naga CL (Re-edited) Bible (BSI)

²⁰ Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 26:20 Referans Kwoze

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

MATTHEW 3:8

Amlo pebideve keu toi xüpe pìyelo.

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Piyeküsü 2:5

No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

MATTHEW 9:13

Ikemu wulo eno atsa hipau kiqi ye kiu keno ithilu lo: ‘Ni ye kimiyekini lunishi cheni ke thono aghakishi kumoe.’ Kughengu ni ye amikuchomiqo ku niye ighimoe ikemu axinemiqo ku niye ighike.”

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

Ephesiami 4:17

Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.

2 Kor. 7:10

Alhou lau no ighi keu mloghime ye amlo pebidelu keu süghi cheni eno tipau no xakulu laghi lo sawu cheni eno kiumu kümsüchile akepu qhitsü chemoe, ikemu ayeghilomi ghola mloghime ye akithí süghi cheni.

1 Thes. 1:9

kughengu timi tipaqo ampi no ningu no nongu lau ighi kelo nongu no kíshi ningu ikhilu eno sasü tsü keno piakhani ke. Panongu no ningu vilo nongu ye ajulho lhou lau no kíshi kuchou eno xü akeu Lhou qe nike ghenguno tsüghǜ sü ighive keno ningu vilo pike.

2 Kor. 3:16

Ikemu kugho-kughomu timi lakhi no Ampeu lau tsüghǜ ighi aye, agikünha phi hu ye ikhive cheni.

Rommi 2:4

Momu nongu ye Alhou’w küpüqhiyi keu hu kupukuno shi akeu ye nongu pelo amlo pebidelu pe nikeu ghenguno kepi vethamla no nongu ye paw küpüqhiyi keu, küsüqhikulu eno kheakulu thaigha cheni keshea?

Apostolmi 26:17

I no O likhi ow timiqo lau no eno Jewkumomiqo lau no O xapheluve nani. I no panongu lau O puwu ani

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

Apostolmi 15:19

“Tighenguno, I no kümsü xathalu akeu no ningu ye Jewkumomi khunoqo no Alhou lau xaideghi ani keno panongu ghenguno ighono kushokütsü shitsü kepu kumoe.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 9:35

Lydda eno Sharon lo xüküami kümtsü no pa ithulu no Ampeu lau xaideghikhae.

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Luke 15:7

I no nongu vilo pìní, tihutoi kughou axinemi lakhi no amlo pebideve püzü ighini keno tiye amlo pebide moayesa kepu avehupu shimo kemi amikuchomi lhotoku tokú akeu nguno alau kungugha lo alovishe nani.

Luke 13:5

I no nongu vilo piani, kumoe! Ikemu nongu no amlo pebidemo aye, nongu ghí kümtsü pühave nani.”

Luke 13:3

I no nongu vilo piani, kumoe! Ikemu nongu no amlo pebidemo aye nongu ghí kümtsü pühave nani.

Luke 1:16

Pa no Israelmi kutomo panongu Mpeu Lhou lau saideghi nani.

Mark 6:12

Panongu no chewu püzü timiqo vilo amlo pebide masa keu tsa kütsüe.

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

Piyeküsü 16:11

eno panongu küsü ngò apiyí ghenguno panongu no kungugha Lhou ghushoe, ikemu panongu ye panongu no kiu shive keno tipaqo lono amlo pebide nikeu milive ke.

Piyeküsü 2:21

Li xüküpsa lau no xaideve penike I no ado li tsüke, ikemu li ye pulo amoe.

Apostolmi 26:19

“Ike tishikehu, Akükau Agrippa, ni ye kungu lono ighi keu nhetsü hebidevemoe.