Apostolmi 26:17 - Sümi Tiqhelimi Bible

¹⁷ I no O likhi ow timiqo lau no eno Jewkumomiqo lau no O xapheluve nani. I no panongu lau O puwu ani

BAIBEL (BSI)

¹⁷ Israilmi eno Judakumomi launo ino oxaphelu nani, tipaqo lau ino opuwu anike.

Sumi Naga CL (Re-edited) Bible (BSI)

¹⁷ I no ow timi ngo Jewkumomi, khunoqo lau I no o puwu ani keno, tipaqo launo o xaphelu nani,

Apostolmi 26:17 Referans Kwoze

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

Rommi 11:13

I no nongu Jewkumomiqo vilo piani. I no Jewkumomiqo lau apostol shi akeu toi ni ye I likhi iw timiqo pelo nongu ju pesü anheshu keu vechewo hakutholu no panongu hami likhimu xalu pe nikeu lajupu qhi no I kümlà lo agijivilei acheni.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

2 Tim. 1:11

Eno atsakiviu hipau ghenguno ni ye kütüghükütsüu lakhi eno apostol lakhi eno akükütsüu lakhi shi süküsü shike.

Galatiami 2:9

Atsükuchoqo toi gihu chekemi James, Cephas eno John noqo no kughou I lau küpükini tsüpüa keu kimchilu keno panongu no kuposhulu keu michi shi Barnabas nikujo sasü au ajeu no petha shilu. Tisheno panongu no Jewkumomiqo lau ningu no wu moayesa, eno Jewmiqo lau panongu no wuni kepi pulolue.

Apostolmi 28:28

“Tighenguno I no nongu pelo ithi penishi akeu ye Alhou’w xakulu ye Jewkumomiqo lau puwuvae eno panongu no chilu nanie!”

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Apostolmi 25:3

Panongu no Festus qhüiniju ghi Paul pesü Jerusalem lo hakiqhe puwu tsülo ipi, kughengu panongu ye alà lono Paul pìthíve niye kughu pesü ake.

Apostolmi 18:10

Kughengu I no O gholo ani, eno khunomu O ghüzamo nani, kughengu mishighüna hipau lo iw timi kutomo anike.”

Apostolmi 17:14

Küpülümiqo no akimighi shi azüghi küdau Paul puwuve, ikemu Silas ngò Timothy pama ye Berea lo ngove.

Apostolmi 17:10

Putho shive kemtsa küpülümiqo no Berea lo Paul ngò Silas pama puwuve. Pama no ti tolu kelo Jewmi’w synagog lo iloe.

Apostolmi 16:39

Ikehu panongu no akipimí khuni ke ighi eno akughuki lono pama khe sasü ipeghive tisheno pama pelo mishighüna qhive no wuve tsü penike qhüiniju.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.