Apostolmi 26:16 - Sümi Tiqhelimi Bible

¹⁶ ‘Itehi ithulo eno puthughove lo. I no O gizülo ipeghi akeu ye O pelo I qeu shipe niye eno nono ni ithuluve keu eno ithulu niye kutò akeu thopi shipe nike O süküsü shi niye ke.

BAIBEL (BSI)

¹⁶ Ikemu ithulo eno opukhu ne suqhelo. Okugha pesu iqeu shipenike niye olau ipeghipiyevae. Nono ishi kishi ni ithulu keno eno ithuluni keno pesu kutami vilo pi masae.

Sumi Naga CL (Re-edited) Bible (BSI)

¹⁶ Ithu puthugho lo, kughengu avehu hipau ghenguno ni ye o zülo ipeghi ani, o pesü I qeu shino nono ni ithuluve keu eno itaghi I no o zülo ipeghi niye akeu pesü thopi shipeni.

Apostolmi 26:16 Referans Kwoze

1 Tim. 1:12

I no ningu Mpeu Khristo Jisü shikimthi ani, pa no akumto I tsüke, pa no pükhübekulu shi ni ikhilu tsü no pa kümlà lo ni süküsü shitsü ke.

Galatiami 1:12

Ni ye timi khuu lau nomu hipau ithulumoe, momu hipau I shikamoe; ikemu, ni ye Jisü Khristo lau no piyesü keu vechewo ithulu ke.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Kolosiami 1:25

Alhou no I pelo nongu lau Alhou tsa kuchopu küsaje penike I pichetsü keu vechewo ni ye akukuhou qeu lakhi shivae.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Galatiami 2:2

Ni ye piyeküsü lakhi ghenguno eno khunoqo akukuho lo sakiphemiqo shi akeno tipaqo sasü lomo shi küptsa niye wue. Tisheno I no Jewkumomiqo gholo kütsü chekeu atsakiviu pesü panongu lau lhepiye ke. Tiye I no kiu mülà ani eno kiu mülà ighivea keno tipaqo ye adou kumo kepi mütsümishei shive nishi yé ke.

Apostolmi 23:11

Tipa jì Ampeu no Paul phivilo puthugho no pi, “Amlo kumto shilo! Jerusalem lo nono I shepe shitsü ketoi, Rome lo ghí no ye I shepe shitsü moayesae.”

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

1 Tim. 4:6

Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

Kolosiami 1:7

Nongu ye ningu no kimiye chekeu eno aqeu aküsàu Epaphras, khuu ningu züqhu shi Khristo’w pichebekulu qeu lakhi keno, pa lau no kikimiye shikalu ke,

2 Kor. 5:18

Hipaqo kümtsü Alhou lau no ighike, pa no Khristo vechewo pa likhi pa pesü ningu sasü külashiluve püzü külakishi pichebekümlà pesü ningu tsüke.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Apostolmi 22:10

“ ‘Ampeu, ni ye kiu shini kea?’ ipi I no iniju. “Ampeu no pi, ‘Ithulo,’ eno ‘Damascus lo ilolo. Tilau no O pichepüa keu kümtsü pesü O vilo pitsü nani ke.’

Apostolmi 21:19

Paul no panoqo sasü petha shi eno pa kümlà vechewo Alhou no Jewkumomiqo gholo kiu mülave tsü akeno chixechilei pìthitsü.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Apostolmi 1:25

khiu pelo pa theli lo mülà peniye kisheluvea keno ningu pìye tsülo.”

Apostolmi 1:17

Pa ye ningu gholo kihiküsümi lakhi shi no ningu gholo mülà küqha cheke.”

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

Apostolmi 26:15

“Tile I no iniju, ‘Ampeu, no ye khuu kea?’ “ ‘Ni ye nono pishi-puju akeu Jisü ke,’ ipi Ampeu no khochile.

Ephesiami 3:3

tiye, I no ikhonhei shi yèpe qhipüa keu toi piyeküsü vechewo I lau Alhou’w tuqhou pìye keu ke.