Apostolmi 26:1 - Sümi Tiqhelimi Bible

¹ Tisheno Agrippa no Paul vilo ishi pi, “O likhi O ghenguno pilu kepu azah O tsü ani.” Ike Paul no pa u kihí pìye no pa likhi pa shokha keu tsa pithu:

BAIBEL (BSI)

¹ Agripa no Paul vilo pi, “Noghi olikhi oshelo pikulupu atuqhudo kivi tsuanie.” Paul no pa u pesu chho ghi hitoi pa likhi pa shokhakeu shi:

Sumi Naga CL (Re-edited) Bible (BSI)

¹ Ikehu Agrippa no Paul vilo pi, “O ghenguno pilu penike azah tsü ani.” Paul no pa u sükhope pa shokükha tsa pi:

Apostolmi 26:1 Referans Kwoze

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Apostolmi 26:2

“O Akükau Agrippa! Ni ye Jewmiqo no I nguku akeu jeli kümtsü lono I likhi I shokhalu kepu ghenguno ishí tsalà lo O zülo puthugholu akeu ye angukivi shilu ani kepi kümsülu anie,

John 7:51

“Ni yeza lo timi lakhi no kiu shi acheni keno phupheni ke ghenguno atüghishi pa tsa iniju paghimo no pa pipüsa cheni keshea?”

Rommi 10:21

Ikemu Israelmiqo vehu lo Alhou no ishi pi, “Ni ye atsala kupuju I u sükho pe aghokulu kumomi eno hekibidemi kheju acheni.”

Apostolmi 25:16

“I no panongu vilo pikeu ye, Rommi kukhuaye lo timi lakhi ye pa nguku akemiqo zülo pa lachile akeu shokhalu kepu dokivi tsü no küghatha ju moke züu ye pa pesü kütami lau phesüve chemoe ipi.

Apostolmi 22:1

“Athiküzümiqo eno apùnoqo, itehi ye iw sükusho tsa iniju lo.”

Apostolmi 25:27

Kughengu I no kümsü akeu ye akughumi lakhi shou nguku keu kiumu küha püzü pa pesü Rome lo puwu keu ye achipi kumoe.”