Apostolmi 24:16 - Sümi Tiqhelimi Bible

¹⁶ Ikehu ni ye Alhou eno timi zülo I lolo kighithi akeu mütsümishei qhini ke pükapütsa acheni.

BAIBEL (BSI)

¹⁶ Ike Alhou zulo eno timi zulo ilolo mutsumishei kimchikulupu akeu lono pulhapuju pukaputsa ilikhi iqophe acheni.

Sumi Naga CL (Re-edited) Bible (BSI)

¹⁶ Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

Apostolmi 24:16 Referans Kwoze

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

Rommi 2:15

Panongu ye panongu mlo lo ayeza no avehupu shi akeqo yèpe qhipüa keu pìye cheni, panongu lolo kighithiqo ghí thopi shi cheni, eno khani lo ye panongu kükümsü no akipimí panoqo tsü cheni eno ado kütau lo ye pano süsho keu ghí shi cheni.)

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

Titus 1:15

Amlo kimthemi ghengu ye thowkha kümtsü akimthe ke, ikemu shikuchubeve kemiqo ngò pülümo kemiqo ghengu ye kiumu akimthe kühae. Kuchou no, panongu kükümsü ngò alolo kighithi kinikujo shikuchubevea.

1 Kor. 4:4

I lolo kighithi ye mütsümishei ani, ikemu tipau no I pelo akipimí küha kemi shilu pe anike kumoe. Ikemu tiye Ampeu no I shou küghathabe anike.

1 Peter 3:16

eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 2:19

Kughengu tsalá khuala no Alhou ithi aghí keu ghenguno achipikumo ghime küsǜ xapuqheluve aye tiye sheqhe küzüpu ke.

IBRIMI 13:18

Ningu ghenguno inikhu tsülo. Ningu ye alolo kighithi eno thowkha jeli kümtsü lo agigihupu küxü xü nishi keu mütsümishei ani.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

2 Tim. 1:3

Ni ye alolo kighithi mütsümishei shi no I pù-asünoqo no qe chekeu lhou khuu I no qe acheni keno pa shikimthi ani. Ni ye putho-pucho I kighini lo tamo no O kümsülu acheni.

1 Thes. 2:10

Ningu ye kíshi akimthe shi, amikucho shi eno tukutiye küha no nongu pülüluve kemiqo gholo ache keno nongu ye tipauw thopimiqo ke, eno Alhou ghí tipauw thopi ke.

1 Tim. 3:9

Panongu ye alolo kighithi mütsümishei shi no aküpülü thonhei keu kuchou hu tsüqüpe moayesae.

Rommi 9:1

Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

1 Kor. 10:32

Jewmi na, Greekmi na Alhou kukuhomi shi aghí namu shokukholu pemo kepu shi xülo.