Apostolmi 23:6 - Sümi Tiqhelimi Bible

⁶ Tisheno Paul no panongu khami no Sadduceemiqo eno kütami no Phariseemiqo ishi keu ithi akehu, Jewmi Hoho lo asheshu thuve, “I thiküzümiqo, ni ye Phariseemi, Phariseemi lagha lono ighi kemi ke. I no atsa kükügha-a lo puthugho akeu ye kithimi ye xülethuve nani ipi lajupu akeu ghenguno ke.”

BAIBEL (BSI)

⁶ Ikemu Paul no jupuwo kelo timiqo dolo khamino Sadukimi eno khamino Farisimi shiakha kehu, pano Ahoholo ishi asheshu thuve: “Athikuzumiqo, niye Farisimi lakhi, eno Farisimi nu lakhi ke; hile ishou atsa kugha akeu hipauye kutau lono kumono kithimiye xukithethu shiluve naniepi ino lakuju akeu ghengunoke.”

Sumi Naga CL (Re-edited) Bible (BSI)

⁶ Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 23:6 Referans Kwoze

Apostolmi 24:21

thime hipau ghenguno kumo kena pi aye, I no panongu gholo puthugho kelo asheshu chekeu, ‘tiye, kithimi ye xüputhuve nani pikeu ghenguno ni ye ishí nongu zülo atsa kükügha lo ani.’ ”

Apostolmi 24:15

timi hipaqo no Alhou lau lakuju ake toi ni ghí lakuju acheni, ike tiye amikuchomi eno alhoküsami kinikujo akithí lono xüputhuve nani.

FILIPIAMI 3:5

ni ye atsala akütacheu lono aphighüyiko ghave, Israelmi lakhi shi punú kemi, Benjamin laghami, ajì lono Hebrewmi shi ighi kemi lakhi; ayeza pape chekeu lono pìní aye Phariseemi lakhi;

Apostolmi 28:20

Hipau ghenguno I vilo nongu sasü kusho no nongu pütsa lo pike. Kughengu Israelmi’w lajupu akeu ghenguno ni ye ayikichhe hipau lo ani.”

MATTHEW 22:23

Tipa tsalà lo xülekuthu kühae ipi chekemi Sadduceemiqo no Jisü lau ighino iniju.

Apostolmi 22:5

Achinetou ngò Jewmi Hoho lo akemi kümtsü no hipau shepe shi tsülu nani. Damascus lo panongu mülà küqha chekemi lau yèsü yè keu kutólo ni ye panongu lau no khulue, eno timi tipaqo akughumi shi sasü Jerusalem lo ighino ghimeqhi niye tilau wuche ke.

MATTHEW 10:16

“Julo I no nongu pelo ambe no tüngtügha gholo ilolu ake toi puwu anie. Tighenguno nongu ye apighi toi tsükhutsüvai shilo eno amiqhiqo toi ivünhei shilo.

MATTHEW 3:7

Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

Apostolmi 22:3

“Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

Apostolmi 22:30

Jewmi ye kughengu no Paul nguku ani keno zatsüu ye mütsüqhei phupheju nishive. Ikehu tishiwo thoghiu pa no Paul kuqhopheve no achinetou ngò Jewmi Hoho lo kihiküsümi kümtsü kumqo penike azah tsüve. Tisheno pa no Paul sasü ighino panongu zülo puthugho pe.

Apostolmi 23:1

Paul no anhesüküqümo no Jewmi Hoho lo akemi ju no pi, “I thiküzümiqo, ni ye I kükümsü kiumu pünamo no ishí kutólo Alhou lau I kümlapù shikupuluvae.”

Apostolmi 23:7

Kughou pa no hi pi keno, Phariseemi ngò Sadduceemiqo dolo kütsala keu ipeghive, eno Jewmi Hoho ye kijethave.

Apostolmi 23:15

Ike itehi ye nongu eno Jewmi Hoho no zatsüu lau nongu zülo Paul sasü ighi pe no pa vehu lo mütsümishei kiu keno ithiküpha moayesa kepu anike ipikeu jeku shi ghi akiyé tsülo. Pa no hilau ighi mphi lono heqhipithíve nike ningu ye kutò pesü anie.”

Apostolmi 23:20

Pa no pi, “Jewmi khami no pulokileluve no O vilo thoghiu Paul sasü Jewmi Hoho zülo ighi penike iniju nikeu shi ani eno tiye pa ghili alau ithi moayesa kepu ani ipikeu jeku lono tishi niye anike.

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

IBRIMI 6:19

Ningu ye angulho ghenguno lajupu hipau no akütshüpu-yi lakhi toi mutotoi eno sükusho ani. Tiye akimthe-a alou nhaqhiphi thiu ilo cheni,