Apostolmi 22:4 - Sümi Tiqhelimi Bible

⁴ Alaghi hipau pape chekemiqo no thimo ke kutólo I no pishi-puju ke, kipitimi ngò totimi kinikujo kügha pesü akughuki lo vesüve ke.

BAIBEL (BSI)

⁴ Timi khunoqono hipau Laghi pape cheghini keno thimoke kutolo ino shikighimeqhi cheke. Kiptimi na totimi pinamu ino kughasuwo akughukilo sunhesuve cheke.

Sumi Naga CL (Re-edited) Bible (BSI)

⁴ Hipau Laghi zükemi I no ghimeche, eno kiptimi totimi ghi I no tshüpe akughu shiche,

Apostolmi 22:4 Referans Kwoze

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

FILIPIAMI 3:6

aküxü kütsü shi akukuhou pishi-puju chekemi lakhi; ayeza papelu keu lono achipiumikucho shilu cheghi aye, ni ye tukutiye kühae.

Apostolmi 24:14

Tishimu, panongu no akumou ke ipi chekeu Laghi hu I no püla chekemi lakhi shi püzü ningu pù-asüqo Lhou mülá cheni kepi ni ye ikhilu ani. I no pülü akeu ye hi kümtsü Ayeza eno Tungkupumiqo kaku lo yèpüa keu kiqi lono ke,

Apostolmi 19:23

Tipau dolo tilehi Ampeu là püla chekeu vehu lo aküpüna kijè ipeghive.

Apostolmi 19:9

Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Apostolmi 18:26

Pa no amlo kumto shi synagog lo atsa pithuve. Priscilla ngò Aquila pama no Apollos tsa chilu kelo pama no pama ki lo pa kusü eno Alhou laghi pesü Apollos vilo aghileshi hepho-piye.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 9:21

Pa tsa chilu kemi kümtsü no akümzave eno ishi iniju kilé, “Timi hipau ye Jerusalem lo Jisü je picheghi kemi thaqhü kütsakungo cheke kumo keshea? Eno pa no hilau ighi keu kimiji ye Jisü jeku chekemiqo akughumi shi achinetomiqo lau sasü wu niye ighike kumo keshea?”

Apostolmi 7:58

eno panongu no mishighüna lono Stephen sünhepheve no atu pesü pa veqhi thuve. Tishi akelo ju akemiqo no panonguw ubephi xapesü apumi lakhi Saul ipikeu pukhuphi lo qhive.

Galatiami 1:13

Kughengu nongu ye I no azüu Jewmi chineye lo kíshi xüche keno tipau ghola ghili chiluvae, ni ye Alhou kukuhou shishe pishi-puju no tipau kütsakungo niye pükapütsa cheke.

2 Peter 2:2

Kutomo no panonguw shiküpsa süqeghili pape nani eno aju-aje küküha pesü kuchou laghi lo süghi nani.