Apostolmi 22:16 - Sümi Tiqhelimi Bible

¹⁶ No ye itehi kiu ngokhe ani kea? Ithulo eno pa jeku ghi baptiz shive no O xinéqo qhukimthevelo.’

BAIBEL (BSI)

¹⁶ Ike noye kiu khe ani kya? Ithu puzu paje lono baptiz shiluveno oxineqo qhuvelo.’

Sumi Naga CL (Re-edited) Bible (BSI)

¹⁶ Imaye no ye kiu khe ani kea? Ithu no Pa je lono baptiz shiluve no o xine qhuvelo.’

Apostolmi 22:16 Referans Kwoze

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 2:21

Eno Ampeu jeku kemi kümtsü xaluve nani.’

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

Galatiami 3:27

kughengu nongu khunoqo no baptiz shilu keu vechewo Khristo gholo küqhaluvea keno nongu ye Khristo pepuluvae.

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

Apostolmi 9:14

Eno pa ye achinetou lau no azah luve no hilau O je ku aghí kemi kümtsü küghaluve niye ighi anie.”

1 Kor. 1:2

Alhou kukuhou Korinth lo Khristo Jisü lono shikimtheve no paw akimthemi shilu peniye kulùve kemi, tipau gholo ningu Mpeu Jisü Khristo, khuu ningu eno panongu Mpeu keno, pa jeku chekemi kümtsü lau yèlu ani:

Apostolmi 9:18

Paikhavi, kiuala akhayiko toi keu no Saul nhethi lono ikiqive, eno pa ye ithulu kitheve. Pa no puthughove no baptiz shiluve,

John 13:8

Peter no pi, “Moe, O pelo khilemu I pukhu qhupemoe.” Jisü no khochile, “I no O pukhu qhutsümo ke thaqhülo no ye Iw shimla nani.”

Apostolmi 7:59

Panongu no atu pe Stephen veqhi akelo Stephen no ishi inikhu, “Ampeu Jisü, I küxü ikhilu tsülo.”

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,