Apostolmi 21:15 - Sümi Tiqhelimi Bible

¹⁵ Hipathiu, ningu ye Jerusalem lo iqho nike ningu là lo wuve.

BAIBEL (BSI)

¹⁵ Tile ngotave kethiu ningu nhemgha kuto-kugho pesu Jerusalem lo iqhoniye cheve.

Sumi Naga CL (Re-edited) Bible (BSI)

¹⁵ Hipa thiu, ningu no aghili kutove no Jerusalem lo iqhove.

Apostolmi 21:15 Referans Kwoze

Apostolmi 25:9

Festus no Jewmiqo lopu shitsü niye Paul vilo pi, “No ye Jerusalem lo iqho no O nguku akeu hipaqo ghenguno I gizülo puthugho no küghatha tsüpe nishi anima?”

Apostolmi 25:6

Atsala tache ngò chighí kutólo panongu gholo ngove kethiu Festus ye Caesarea lo iqive. Tishiwo thoghiu pa no küghaki lo kukütsü no Paul sasü pa zülo ighi penike azah tsü.

Apostolmi 25:1

Pa no aye pe nikeu bocho lo ighive keu atsala küthü shive kethiu, Festus ye Caesarea lono Jerusalem lo iqho,

Apostolmi 18:22

Kughou pa no Caesarea tolu keno, Jerusalem lo chesü iqho püzü akukuhomiqo sasü kusholu eno tithiu Antioch lo iqive.

Apostolmi 19:21

Hipaqo kümtsü shive kethiu Paul ye Macedonia ngò Achaia vechesü Jerusalem lo kicheghüzü shini keu vehu kughuluve. Pa no ishi pia, “I no tilau wuve kethiu ni ye Rome ghí xuju moayesa anie.”

Apostolmi 21:12

Kughou ningu no hi chilu keno tile timi akemiqo ngò ningu no Paul vilo Jerusalem lo iqho pemo nike qhüiniju.