Biblia Todo Logo
Bib sou entènèt

- Piblisite -




Apostolmi 2:40 - Sümi Tiqhelimi Bible

40 Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.”

Gade chapit la Kopi

BAIBEL (BSI)

40 Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

Gade chapit la Kopi

Sumi Naga CL (Re-edited) Bible (BSI)

40 Pa no atsa kütau kutomo pesü thopi shino panoqo hakutho ghi pi, “Hi chighichilai keu tiqheli lono nongu ampi xalulo.”

Gade chapit la Kopi




Apostolmi 2:40
34 Referans Kwoze  

tishianguno nongu pelo tukutiye küha no akimthe shi püzü, “tuchighi keu eno küsakügha tiqheli lo Alhou nuli akipimí küha keqo,” shilu pe nani. Tisheno nongu ye panongu gholo atsütsǘ lo ayepuqo toi vüipeghi nani.


Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.


Ikehu I no nongu vilo hi piani, eno Ampeu je lono tamo no hipau pikichi ani, ike tiye Jewkumomiqo no panonguw ameküha keu kükümsü shou bepe xü akeu toi nongu ye tishi xü kepu kumovae.


Tighenguno, “Panoqo lau no ipeghivelo eno kütüta shivelo, ipi Ampeu no pike. Mithekumo thimeqo bu kevilo, eno I no nongu ikhilu nani.”


Jisü no khochile, “Nongu pülükümla eno hekibide tiqhelimiqo, ni ye khitohi nongu sasü anani kea? Eno ni ye khitohi nongu gholo ache nani kea? O nu sasü hilehi I lau ighilo.”


Küsakügha eno amikucho kumo tiqhelimi no amichipu lakhi phu cheni, ikemu Alhou no tungkupu Jonah lau amichipu tsü keu nguno alau kütau ye tsümo nani.” Tisheno Jisü ye panoqo qhive no wuve.


Khunoqo no pa likhi pa pesü aphighüyiko ghave pe ani keno pa ye ayeza kümtsü pape moayesa nani kepi itaghi I no timiqo kümtsü lau shuphe ani.


Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.


“Nongu apighiqo! Nongu pighizü tiqo! Amiyizü lo kiléqhi sǘve keu lono nongu ye kíshi pokajolu nani kea?


Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.


Kughengu nongu no ithi akeu toi, apù lakhi no pa nuliqo tucho akeshi ningu ye nongu lakhi-khi tucho püani ke.


Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.


Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.


Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”


Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”


Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.


Jisü ye thime kütau ghí kutomo shike. Tsalá tipaqo kümtsü yèpe qhike aye, I no kümsüju kelo kaku yèpeqhi keu tipaqo pesü ayeghiqha kuchopu lo qhi kepu chebo kühave nanie.


Tisheno pa no itaghi aki jolha kunguu iku püzü kuposhukulu ghulhu küsaje chuve. Tsüthomo ke kutólo pa no atsapia püzü tisheno pa ye cheve.


Eutychus ipikeu apumi lakhi ye alashe mütsü lo iqa ake. Paul no ado kushuwa atsapia kehu, Eutychus ye cheyi zühuve. Pa ye züchei akehu aki jolha aküthüu lono ayeghi lo ilu iqive eno pa khapeqhelu kelo thive aghíe.


Pa no tipa qhalo kicheghüzü shi wu püzü timiqo lau shikumto keu tsa kutomo pitsü, eno ashekha lo Greece lo ighive no


Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.


Pa no ningu vilo atsakiviu timiqo lau kütsü lo ipi azah tsü eno küxümi ngò kithimi shou küghaküthau shipe niye Alhou no süküsü shikeu hu ye pa ke ipi ashepe shilo pike.


Nongu pighizü tiqo, kíshi püzü nongu küsaküghami no kiu akivi tsa pìní kea? Kughengu amlo lo kiu pekütsüpüani keno akichi lono piphe cheni.


kughengu ni ye athiküzümi pungu ani. Lazarus pelo panongu pikichive tsü pelo, tishianguno panongu pelo ghimeqhikeu-a hipau lo ighi pemo nike.’


Levi laghami Cyprus lono ighi keu Joseph khuu Apostolmi no Barnabas ipi ku cheni keno (hipau kiqi ye shikumtokütsüu nopu),


Swiv nou:

Piblisite


Piblisite