Apostolmi 16:5 - Sümi Tiqhelimi Bible

⁵ Ikehu akukuhomiqo ye aküpülü lo shikumtolu eno tsalà kipetsü kihiküsümi kutomo iko wove.

BAIBEL (BSI)

⁵ Ikelo akukuhouqo akupululo shikumto tsu, eno ghulo atsu-tsu kihi sulukemi alau shi ikowove.

Sumi Naga CL (Re-edited) Bible (BSI)

⁵ Ikehu aküpülü lono akukuhomi shikumto luno ghulo atsütsü akikihi alau ikowolu.

Apostolmi 16:5 Referans Kwoze

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Apostolmi 6:7

Ikehu Alhou tsa ye veküpha wove. Jerusalem lo paikhavi lono küpülümi kikihi alau shi iko wove, eno Jewmi achinemi kutomo no atsakiviu gholuve no küpülümi shiluve.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

Apostolmi 15:41

Pa no Syria ngò Cilicia qhalo wu no akukuhouqo shikumto tsüe.

Kolosiami 2:6

Tishiaye, nongu no Khristo Jisü pesü nongu Mpeu shi ikhiluve keu toi, nongu ye tamo no pa gholo no xüche lo.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Apostolmi 12:24

Ikemu Alhou tsa ye tamo no veküpha eno alau shi iko wove.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

2 Thes. 2:16

Ningu Mpeu Jisü Khristo ampi no eno ningu Papù Alhou khuu ningu kimiye eno paw küpükini vechewo lhokta shikumtokütsü eno lajupu kivi ningu tsü keno,

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

Apostolmi 11:21

Ampeu küká panongu gholo ae, eno timi kutomo no pülüluve püzü Ampeu lau xaideghiluve.

Apostolmi 5:14

Tishimu, kipitimi eno totimi alau shi Ampeu pülüluve no panongu gholo kihiküsü shiluve.

Apostolmi 4:4

Ikemu timi khunoqo no akükütsü sütsa chilu keno pülüluve; ikehu pülüluve kemi kikihi ye qhethonhe pungu kutólo ikughive.