Apostolmi 13:51 - Sümi Tiqhelimi Bible

⁵¹ Ikehu pama no panongu lachile keu michi shi pama pukhu lo ayeghimukhu kukhuqhive no Iconium lo wuve.

BAIBEL (BSI)

⁵¹ Ikemu apostolmi pamano hipaqo sasu kusholumae pikeu shi ghi pama pukhu lono ayeghi mukhu kukhu qhiveno Ikonia lo cheve.

Sumi Naga CL (Re-edited) Bible (BSI)

⁵¹ Pama no panongu ghutu keu shi apukhu lono ayeghimkhu kukhu qhive no Iconium lo wuve.

Apostolmi 13:51 Referans Kwoze

MATTHEW 10:14

Tsalá khiuala no nongu sasümove momu, nongu tsa initsümove aye, aki momu mishiphu tipau qhivelo eno nongu pukhu müzá lo ayeghimukhu kukhuqhivelo.

Apostolmi 18:6

Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

Luke 9:5

Tsalá timi no nongu sasümo aye mishiphu tipau qhivelo eno panongu lachile akeu thopi michi shi nongu pukhu lo ayeghimukhu kukhuqhivelo.”

Apostolmi 14:21

Pama no mishighüna tipau lo atsakiviu pesü kütsü püzü timi kutomo pelo küpülümi shiluve pe. Tishive no pama ye Lystra ngò Iconium küdau no Antioch lo ideghive,

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 14:1

Thosülo toi Paul ngò Barnabas pama ye Iconium lo Jewmi’w synagog lo wu. Tilehi pama kükütsü kivi vechewo Jewmi ngò Greekmiqo kutomo no pülüluve.

Mark 6:11

Eno khile-khilemu nongu sasümo momu nongu tsa inimo aye, tipau-a qhivelo eno panongu lachile akeu thopi michi shi nongu pukhu müzá lo ayeghimukhu kukhuqhivelo.”

Apostolmi 16:2

Lystra ngò Iconium lo küpülümiqo kümtsü no Timothy ghili pipivi che.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

Luke 10:11

‘Now mishiphu lono ni pukhu müzá lo ayeghimukhu ikughive keu ghí nongu lachile keu michi shi kukhuqhivae. Ikemu mütsümishei hi ithilo: Alhou kükaphu ye nongu lau kupunú ighivae.’