Apostolmi 13:45 - Sümi Tiqhelimi Bible

⁴⁵ Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

BAIBEL (BSI)

⁴⁵ Ikemu kughou Judamiqono timi kumzapu akeu ithulu keno panonguye anhekushuno chhive. Panonguno Paul no pikeu tsa lae eno pa thaigha.

Sumi Naga CL (Re-edited) Bible (BSI)

⁴⁵ Ikemu kughou Jewmi no aqokitikhi ithulu keno, panongu lolo anhekushu iloghive no Paul thaigha ghi pa no pikeu küla thuve.

Apostolmi 13:45 Referans Kwoze

Jude 1:10

Ikemu timi hipaqo ye panongu no vethamla keu kümtsü lo shipütha cheni, eno panongu ye kiqiphekümla lhoxü toi akutoshikighithi vechewo panongu no vethamla keu thime hipaqo no panongu kütsakungove nani.

Apostolmi 18:6

Ikemu kughou Jewmi no pa lachile eno pipütha keno, Paul no alomishi pa phimini kuthó pìye püzü panoqo vilo ishi pi, “Nongu kithí ye nolikhi nongu makho ke! Tiye I makho kumoe! Hinguno hilau ni ye Jewkumomiqo lau wuni ae.”

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.

Apostolmi 19:9

Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Apostolmi 5:17

Ikehu achinetou eno pa gholo kutubo kichemi ngò Sadduceemi mqo gholo kihiküsümi kümtsü anhekushu no chhitoive.

1 Peter 4:4

Panongu ye nongu no panonguw inapügha eno xükümtha küxü lo kulojimo keu lo akichiqhive no panongu no nongu shou alòmi pipuku ke.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

Apostolmi 17:5

Ikemu Jewmi kütamiqo ye anheshuve; eno alhikishi-a qhalo lahilaza chekemi khami ku kumqo no mtomushu loji hekütsü püzü mishighüna qhalo muqhu thuve. Panongu no akimighi shi wu püzü Jason ki süholuve no Paul ngò Silas pama phusawo aqo-aho zülo sawu niye shi.

MATTHEW 27:18

Kughengu panongu no panonguw lüthü lá ghenguno Jisü pesü pa u lo phesü püakeu pa ye ithi ake.

James 4:5

Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?

Galatiami 5:21

eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 14:4

Mishighüna lo timiqo ye kijethave: khami no Jewmiqo gholo eno kütamiqo no apostolmiqo gholo küqhave.

Apostolmi 14:5

Tile Jewmi ngò Jewkumomiqo no panonguw sakiphemiqo sasü kümqüve no apostolmi pama ghimeqhi püzü atu pesü veqhi nikeu shi püghüe.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

2 Kor. 11:26

ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.