Apostolmi 13:43 - Sümi Tiqhelimi Bible

⁴³ Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

BAIBEL (BSI)

⁴³ Sinagog lo ahoho ixave kethiu, Judami ngo Judami chineyeh luvekemi kutomono Paul ngo Barnaba pama papewu. Pamano panongu putsa eno Alhou akukupulo xuchelo pi panongu hakite.

Sumi Naga CL (Re-edited) Bible (BSI)

⁴³ Sinagog lo ahoho ixave kethiu Jewmi ngo Jewmi chineye luve kemi kutomo no Paul ngo Barnabas pama pape wuve, eno pama no panongu pütsa no Alhouw küpükini lo xüche lopi shikumto tsü.

Apostolmi 13:43 Referans Kwoze

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.

IBRIMI 13:9

Akümza shiküka jeliqo pelo nongu zü sawuve pe kevilo. Küpükini no shikumto keu no ningu mlo ghenguno aloke, tiye chine-chini chuqu chu keu vechewo kumoe, khunoqo ti chu cheni keno panongu ghenguno kiumu alá küha ke.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

Kolosiami 1:28

Ningu no asheshu chekeu ye Khristo ke. Alhou no alokütsü ningu tsü keu kümtsü pesü ningu ye timi kümtsü vilo kütüghü eno shika acheni, tishianguno timi kümtsü pesü Khristo lono tekhoi shi no Alhou zülo qhitsü niye ke.

Kolosiami 1:23

tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

FILIPIAMI 4:1

Tighenguno, I thiküzümi eno I chelimi I no kimiye, kümsü eno sholu nishi chekemi shompamiqo, I lokiqi eno I kijuvilei shitsü chekeqo, hipau ghola lono Ampeu lono ithamo no puthugho lo!

FILIPIAMI 3:16

Tishiaghi namu ningu ye ningu no kiu ithuluva keno tipau qhemi xüni nolo.

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

Galatiami 5:1

Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

2 Kor. 5:11

Ikehu ningu ye Ampeu sümsa keu ye kiu keno ithive ake ghenguno ningu ye kütamiqo pütsaqhi nike pükapütsa acheni. Ningu ye kiu keno Alhou zülo ye mütsümishei ke, eno I no pülü akeu ye nongu lolo kighithi ghí mütsümishei anike.

Rommi 11:6

Ike Alhou no küpükini vechewo kishe cheghi aye, tiye akümlà vechewo no kumoe. Kughengu akümlà vechewo kishe cheghi aye, küpükini ye kuchou no küpükini kumovae.

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Rommi 3:24

ikemu Alhou no kümsá no küpükini Khristo Jisü vechewo xachilekulu ighi keu lono timi kümtsü achipikaluvae.

Apostolmi 17:34

Timi khami ye pülüluve eno Paul papemi shive. Paul papemi shiluve kemi gholo Areopagus lo kihimpemi lakhi Dionysius ipikeu ngò totimi Damaris ipikeu eno kütami kutomo ghí ake.

Apostolmi 17:4

Panoqo gholo Jewmi khami ye vethaluve no Paul ngò Silas pama gholo küqhaluve, titoi Greekmi Alhou sümsa chekemi kutomo eno totimi ajekipimi khami ghí tishiluve.

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 14:3

Ike Paul ngò Barnabas pama ye ado kushuwa tilehi ngo no Ampeu ghenguno akumto shi pia, eno pama no küpükini kükütsü tsape shikeu kimchitsü akeu shi Ampeu no pama pelo amichipu eno akümzapu kümlàqo shilu pe.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

Galatiami 5:4

Nongu khunoqo no ayeza vechewo achipikalu niye pükapütsa ani keno nongu ye Khristo lau no kütüta shivae; nongu ye küpükini lau no ikiqivae.

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

Apostolmi 17:17

Ikehu pa no synagog lo Jewmi ngò Alhou sükümsami Greekmi, eno tsalakipe alhikishi-a lo ighi kemiqo sasü küptsa-kiqiju ache.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 6:5

Akükümsü hipau kümtsü no puloluve. Panongu no aküpülü eno Aghungu Kimthe no chhitoi akeu Stephen kishelu; eno Philip Procorus, Nicanor, Timon, Parmenas eno Antioch lono ighi keu Jewmi chineye luve kemi Nicolas noqo ghí kishelu.

Apostolmi 2:10

Phrygia eno Pamphylia, Egypt eno Cyrene phivilo Libya lono ighi kemi; Rome lono xukujumi

MATTHEW 23:15

“Nongu ayeza kükütsümi ngò Phariseemiqo ghenguno ahaküsapue! Nongu kühaküghaqo! Nongu no timi lakhi mlo pebide pe no Jewmi chineye lo sǘ niye azüghi kathasü ayeghiqha kuchopu kicheghüzü shi wucheni, eno kughou tishiluve nike no, nongu no pa pesü nongu toi ghuthu kini qhemi amiyizü lomi lakhi shive pe cheni.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

Titus 2:11

Kughengu, Alhou’w küpükini ye timi kümtsü lau xakulu tsü niye ipeghivae.

Apostolmi 18:7

Ikehu pa no synagog lono cheve, tisheno tipau phivilo Alhou mülá chekemi Titius Justus ipikeu ki lo ilove.