Apostolmi 13:2 - Sümi Tiqhelimi Bible

² Panongu no Ampeu sheqhe mülá eno kümvü akelo Aghungu Kimthe no pi, “Barnabas ngò Saul pama ye I no ku pe püakeu kümlà shipe nike ghenguno pama kütashi qhilo.”

BAIBEL (BSI)

² Panonguno Ampeu sheqhe mlla eno kumvu ake lono Aghungu Kimthe no panongu vilo pi, “Barnaba ngo Saul pamaye ino kupe puakeu kumla shipenike ghenguno pama kutashi qhivelo.”

Sumi Naga CL (Re-edited) Bible (BSI)

² Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 13:2 Referans Kwoze

Galatiami 1:15

Ikemu kughou Alhou khuu I zá po lono I kütashi qhivetsü eno paw küpükini vechewo I kulù keno, pa ye

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

2 Tim. 1:11

Eno atsakiviu hipau ghenguno ni ye kütüghükütsüu lakhi eno apostol lakhi eno akükütsüu lakhi shi süküsü shike.

1 Kor. 12:11

Hi kümtsü Alhou Ghungu kümlà ke, pa no kiqiju no tipaqo pesü timi lakhi-khi lau kijé tsü acheni.

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Apostolmi 14:26

Attalia lono pama ye ashuka lono Antioch lo idewove, tile no pama kümlà mülaqhiluve keu ghenguno Alhou’w küpükini lo kulhuqhive tsülu.

Kolosiami 4:17

Archippus vilo ishi pilo: “No ye Ampeu no pichebekümlà O tsü keu hu shikhave moayesa nani kepi ithilo.”

Luke 2:37

eno tipathiu li ye ampe lhotache bidí kutólo chimemi shike. Li ye khilemu achineki phemo no putho-pucho akighini shi eno kümvü Alhou mülá ache.

2 Tim. 2:2

Eno thopimi kutomo gizü lono I no kütsü keu thimeqo nono ithitoiluve keu hu pesü no pükhübekulumi khunoqo no kütami kütsülu nani keno tipaqo ghí pichetsülo.

Ephesiami 3:7

Ni ye pa küká kümlà vechewo Alhou’w küpükini ghò I tsü keu vechewo atsakiviu hipau qemi lakhi shilu ke.

Apostolmi 13:3

Panongu no kümvü eno akighini shive kethiu panongu no au chhope pama shou betsü no puwuve.

Apostolmi 10:30

Cornelius no khochile: “Atsala küthü züu hipau tüqhüdo lo ni ye avelau ayì küthü kihe lo I ki lo akighini shiae. Paikhavi timi lakhi no phuphui keu tiphimini pepu no I zülo puthugho

Apostolmi 10:19

Peter ye ti kutólo kungunhetsü ghili kümsükutoju ae, tishi akelo Aghungu no pa vilo ishi pi, “Simon, timi küthü no O phu cheni.

Apostolmi 8:29

Aghungu Kimthe no Philip vilo pi, “Khurkulu lo wulo eno tipau phivilo ngo lo.”

MATTHEW 9:38

Tighenguno ghile Mpeu vilo, pa lu lo ajumiqo puhu tsü penike inikhulo.”

MATTHEW 6:16

“Kughou nongu no kümvüni keno kühaküghamiqo toi agi küzü pìye kevilo, kughengu panongu ye timi kütamiqo pelo kümvü anike ipi ithi peniye panongu gi kilive cheni ke. Kuchou no I no nongu vilo pìní, panongu ye pano sala qesaxu kuchopu ithuluvae.

IBRIMI 5:4

Eno timi khunomu agigihu hipau pa likhi pa kutoshi luve chemo, ikemu pa ye Aaron toi kughou Alhou no kulùve keno tile no ithulu cheni.

2 Tim. 4:11

Luke likhi no I gholo ani. Mark phuluve no O gholo no I lau sasü ighilo, kughengu pa ye iw pichebekümlàpu lo I kuphulu cheni ke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

2 Kor. 11:27

Ni ye aghichhe-ghime shi mülà ache eno ghuthu kutomo zühu pe püamoe; ni ye müzü-tüghü shipüani eno ghuthu kutomo achuqupu küha no atsala puwo püani; ni ye süthi eno tiphimini küha no ighi püani.

2 Kor. 6:5

Ni heqhi püani, akughu shipüani eno mtomushu keu sholu püani, aghime shi mülà püani, aküzǘ kihí eno akhüava shipüani.

1 Kor. 7:5

Amlotsüqhiyi akighini shi niye ado hami ghengu likhi no kushomo nikeu puloküqha püaghi nike kumo aye akimi-anipu dolo lakhi no lakhi mili kevilo. Tisheno itaghi kümtsa ighino ngoluve lo tishianguno Satan pelo nongu likhi nongu ghasü müla keu ghenguno nongu ghuju pemo niye ke.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Luke 10:1

Hipathiu Ampeu no kütami lhotsüni kini süküsü shilu eno kini-ni no pa züu no pa no wu niye kutò akeu mishiphu eno aqha kümtsü lo puwue.

Apostolmi 4:36

Levi laghami Cyprus lono ighi keu Joseph khuu Apostolmi no Barnabas ipi ku cheni keno (hipau kiqi ye shikumtokütsüu nopu),

Apostolmi 13:4

Pama ye Aghungu Kimthe no pama puwu püzü Seleucia lo iqi eno tilau no zükilu lono Cyprus lo wuve.

MATTHEW 17:21

Ikemu hitoi keu ye akighini eno kümvü keu likhi no haphelu nanie.”