Apostolmi 13:10 - Sümi Tiqhelimi Bible

¹⁰ “No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

BAIBEL (BSI)

¹⁰ “No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

Sumi Naga CL (Re-edited) Bible (BSI)

¹⁰ eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 13:10 Referans Kwoze

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Galatiami 1:7

tiye khilemu atsakiviu kumoe. Mütsüqhei no timi khami ye nongu pesü kübangü keu lo sǘ ani eno Khristo tsakiviu lakha nike pükapütsa ani.

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

Luke 11:52

“Nongu ayeza lo shitsamiqo ye ahaküsapue, kughengu nongu no akighithi hukikha khaqhiyi ikhisüwuve ke. Nongu no ilomo keu likhi kumo no kütami no ilo chekeu ghí nongu no aküpüna shike.”

2 Peter 2:15

Panongu ye müzüchoi keu laghi qhive no Balaam nu Bezer, khuu küsakügha jume kimiye cheni keno, pa laghi pape niye kawuvae.

Apostolmi 20:30

Nongu likhi nongu gholo no kuchou tuchighiveni kemi ghí ipeghive no küpülümiqo müsü sasü panoqo pape wuve pe nikeu shi nani.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

MATTHEW 3:7

Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

John 1:23

John no Isaiah tungkupuu tsau no khochile, “Ni ye küghünamokeu-a lo ‘Ampeu ghenguno alaghi müzüchoi shitsülo,’ ipi akeu sütsa hu ke.”

Luke 11:39

Tisheno Ampeu no pa vilo pi, “Pini keu lo nongu Phariseemiqo ye akhu ajikhu ashou ye shikimtheve cheni ikemu nongu lolo alakimine ngò küsakügha no chhitoi anie.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.