Apostolmi 11:14 - Sümi Tiqhelimi Bible

¹⁴ Pa no akükütsü sütsa lakhi pesü O lau süghi nani eno tipau vechewo no eno O kibolomi kümtsü xaluve nani.’

BAIBEL (BSI)

¹⁴ eno no ngo abolomi kumtsu kishi xalukepu keno pano atsa ovilo pitsu nani.’

Sumi Naga CL (Re-edited) Bible (BSI)

¹⁴ pa no o vilo atsape sheshu nani eno tipa vecheo no eno o kibolomi kümtsü xaluve nani.’

Apostolmi 11:14 Referans Kwoze

Apostolmi 16:15

Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi ipi ikhilu tsü aghí aye I ki lo ighino ngo lo.” Eno li no puloniqhiyi ningu sasüe.

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 10:6

Pa ye Simon ashiyiko kümlàu ipikeu gholo ani, eno pa ki ye azüghi phivilo anike.”

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 2:39

Ashoqhi hu ye O ghenguno eno O tianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 12:50

I no ithi akeu ye pa yeza no lhokta küxüpu lo sawu cheni. Ike I no kiu pi cheni keno tiye Apù no I vilo pilo pikeu ke.”

John 6:63

Aghungu no aküxü tsü cheni; ashi ye kiumu kihi akepu kühae. I no nongu vilo pive keu tsaqo ye Aghungu eno aküxü no chhitoi ani.

John 4:53

Ikelo apù ye Jisü no pa vilo, “O nu ye xü nanie,” ipikeu do mtsa lono panu ye viluve kepi kümsüchilelu. Ike pa eno pa kibolomiqo kümtsü no Jisü pülüluve.

Luke 19:10

Kughengu Timi Nu ye pühave kemi phu niye eno xalu nike ighie.”

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

1 Kor. 1:16

(Iyei, ni ye Stephanas kibolomiqo ghí baptiz shitsü ke; tinguno alau ye ni ye khumu baptiz shitsü keu kümsülu amoe.)

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Apostolmi 11:13

Kungumi lakhi no pa ki lo ighino pa vilo kíshi pi keno tipau pesü ningu vilo ishi pi, ‘Joppa lo timi puwu no Simon khuu Peter ipi ku cheni keno pa kuwu pelo.