Apostolmi 1:3 - Sümi Tiqhelimi Bible

³ Pa kithí ghime thiu, pa no timiqo lau ipeghi pìye eno pa ye xü aphi kepi pülükulupu michipuqo kutomo pìye ke. Pa no atsala lhobidi kutólo panongu lau ipeghi pìye eno Alhou kükaphu ghili pesü pi acheke.

BAIBEL (BSI)

³ Pano akithi sholuve kethiu atsala lhobidi kutolo paye xuaphi kepi thwokha lono pa likhi pano panoqo nhepithe eno panonguno pa ju ithulu eno pano Alhou yehkipe vehu pesu panoqo putsae.

Sumi Naga CL (Re-edited) Bible (BSI)

³ Pa no imeve kethiu ajeli kutomo lono thopi shi pa ye ani pikeu piye, atsala lhobidi kutolo panongu lau ipeghi piye eno Alhou yekipe ghili pike.

Apostolmi 1:3 Referans Kwoze

Apostolmi 13:31

eno Galilee lono Jerusalem kutólo pa gholo kicheghüzü shi kemiqo ye atsala kutomo pa ithulu ke. Panongu ye itehi niw timi lau Jisü shepemiqo shi anie.

John 20:26

Apinedo lakhi thiu akhopemiqo ye itaghi aki alou ngoa, eno Thomas ghí panongu gholo ae. Ahukikhaqo ye khapüa keghi Jisü ye ighino panongu gholo puthugho no pi, “Alokughuno nongu gholo apeniu!”

1 John 1:1

Inahuu abothu lono aküxüpu Tsa khikhi acheghi, ningu no chiluvea, ningu nhethi no ithuluvea, ningu no jupukulu eno khikhi ningu u no buluvea keno hipau vehu lo ningu no asheshu ani.

John 21:14

Jisü ye akithí lono xüputhuve kethiu hino aküthüu shi pa khopemiqo lau ipeghi.

John 21:1

Tipathiu Jisü no Galilee züghi phivilo itaghi pa khopemiqo lau ipeghi. Hipa ghola lono ipeghi ke:

MATTHEW 28:9

Zülile no Jisü no pama sasü kusho no ishi pi, “Alo ani kema?” Ike pama no pa lau ighino pa pukhu mutuluve püzü pa müláe.

Apostolmi 28:31

Pa no akumto shi Alhou kükaphu ghili pesü asheshu ache eno kiumu lakükha küha no Ampeu Jisü Khristo ghili pesü kütsü ache!

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

MATTHEW 21:43

“Tighenguno I no nongu vilo pi anie, Alhou kükaphu ye nongu lau no ikhisüwuve no pesü khuno shiye no tipau pithikighishelu nani keno tipaqo tsüve nanie.

MATTHEW 4:2

Jisü ye putho tsalà eno pucho tsalà lhobidi kümvüve kethiu müzüthive.

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

Apostolmi 8:12

Ikemu kughou Philip no Alhou kükaphu eno Jisü Khristo je lono atsakiviu pe kütsü keu panongu no pülüluve keno, kipitimi ngò totimi kümtsü baptiz shiluve.

Apostolmi 19:8

Paul no synagog lo ilo no aqhi küthü kutólo amlo kumto shi timiqo pütsa, kütsalaju eno tamo no Alhou kükaphu ghili pesü pikülha ae.

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.