Apostolmi 1:14 - Sümi Tiqhelimi Bible

¹⁴ Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.

BAIBEL (BSI)

¹⁴ Hipaqo kumtsu kumtsa puzu kumvu akighini shiche, eno panongu gholo totimi Jisu pa za Maria ngo pa thikuzumi ishi kumqono inikhu che.

Sumi Naga CL (Re-edited) Bible (BSI)

¹⁴ Hipaqo kümtsü akükümsü lakhi shino tamono akighini shia, panongu gholo totimiqo, Jisü paza Mary, eno pa thiküzümi ae.

Apostolmi 1:14 Referans Kwoze

Ephesiami 6:18

Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Luke 18:1

Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe.

MATTHEW 21:22

Nongu no aküpülü aghí aye, akighini lono kiu-kiumu khu keu nongu no ti ithulu nanie.”

Apostolmi 2:1

Kughou Pentecost tsalà tove keno panongu kümtsü amqo shi a-a lakhi lo ngoa.

Luke 11:13

Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

Apostolmi 2:46

Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Luke 24:53

Eno panongu ye tamo no Alhou sheqhe ghi achineki lo ngove.

MATTHEW 12:46

Jisü no aqokitikhi pütsa aphi lono, pazá eno athiküzümiqo ye pa pütsa nishiqhiyi khalacheu puthugho ae.

Luke 24:10

Tiye Mary Magdalene, Joanna, James pazá Mary eno kütami panongu gholo akemiqo no hipaqo pesü apostolmiqo vilo pike.

Luke 23:55

Totimi khunoqo Jisü gholo Galilee lono ighi keno panongu no Joseph papesü wu püzü akumoki juve eno kíshi Jisü kumo alou pesüve keno juluve.

Luke 23:49

Ikemu pa ithi akemiqo gholo no totimi Galilee lono pa papesü ighi kemiqo kümtsü putou puthugho no hipaqo chheju ae.

Mark 16:1

Sabbath tsalà thiu Mary Magdalene ngò James pazá Mary eno Salome noqo ye Jisü sükumo nupe qhini ke ghenguno axokütsüngü mkhuqo qhüluve.

Mark 15:40

Totimi khami ye putou ngo no jukuto ae. Panoqo gholo Mary Magdalene, Joseph thiküzüu ayitiu James eno pama pazá Salome ishi ake.

MATTHEW 27:55

Tilehi totimi kutomo putosü lono chhejua. Panongu ye Jisü vehupuqo jukuto tsü niye Galilee lono pa papesü ighi kemiqo ke.

Luke 24:33

Pama ye ilheithu no paikhavi Jerusalem lo idechile ighive. Ikelo tile panongu Chighiqhaqhi no panongu gholo akemi sasü kumqo no ishi pi aghí keu ithulu,

Luke 8:20

Timi khami no Jisü vilo pi, “O zá ngò O thiküzümiqo ye O ju nishiqhiyi khalau puthugho anie.”

1 Kor. 14:13

Hi ghenguno timi khuu no amili kithé lono pi cheni keno panongu ye panongu no amili kithé lono piakeu pekililu penike ghenguno inikhu moayesa ke.