2 Tim. 4:7 - Sümi Tiqhelimi Bible

⁷ Ni ye akivishi aghü shivae, ni ye akupo lo ashe tovae, ni ye aküpülü pewo tovae.

BAIBEL (BSI)

⁷ Niye aghukishi akivishi shivae, niye akupolo ashetovae, niye akupulu pewotovae.

Sumi Naga CL (Re-edited) Bible (BSI)

⁷ Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

2 Tim. 4:7 Referans Kwoze

1 Tim. 6:12

Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

John 4:34

Jisü no pi, “I puwu keu pulou shikeu eno pa kümlà shiqhiveni keu no I chuqu ke.

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

2 Tim. 1:14

O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

John 17:6

“Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

Apostolmi 13:25

Pa kümlapù ashetove niye akelo, John no pi, ‘Niye khuu ipi nongu ye kümsü ani kea? Ni ye nongu no khe achekeu hu kumoe. Ikemu timi lakhi I thiu ighi nani, ni ye pa pukhukuqhomu kuqho nike aküzüpu kumoe.’

Galatiami 2:2

Ni ye piyeküsü lakhi ghenguno eno khunoqo akukuho lo sakiphemiqo shi akeno tipaqo sasü lomo shi küptsa niye wue. Tisheno I no Jewkumomiqo gholo kütsü chekeu atsakiviu pesü panongu lau lhepiye ke. Tiye I no kiu mülà ani eno kiu mülà ighivea keno tipaqo ye adou kumo kepi mütsümishei shive nishi yé ke.

FILIPIAMI 1:30

Tishiaye I no kumjo achekeu nongu no ithulupüa keu eno ni ye tishi achephi kepi nongu no chilu akeu toi, nongu ghí kumjo keu sholu anike.

2 Tim. 3:10

Ikemu Timothio, no ye I kükütsü, I küxü ghola eno I kimiji kümtsü ithi ani. No ye I küpülü, iw kheakulu, iw kikimiye, iw kutuukulu ithi ani.

Piyeküsü 6:11

Tipathiu panongu kümtsü chijeboboi-phi miyetsüghoi keu lakhi-khi tsü, eno panongu vilo panongu küsàmi aqemi eno athiküzümi ngò achelimiqo kümtsü panongu toi pìthívemo ke kutólo ado kitila ngokhe aghílo ipive.