2 Tim. 4:5 - Sümi Tiqhelimi Bible

⁵ Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

BAIBEL (BSI)

⁵ Ikemu nouye pulhapuju tsaqutsaleyilo, ghichheghime puqhelulo, tsavipemi kumla shilo eno Alhou qemi kumlapu shikupululo.

Sumi Naga CL (Re-edited) Bible (BSI)

⁵ Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

2 Tim. 4:5 Referans Kwoze

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

2 Tim. 2:3

Khristo Jisü’w ghüshimi kivi lakhi toi I ghime gholo küsaje alo.

Kolosiami 4:17

Archippus vilo ishi pilo: “No ye Ampeu no pichebekümlà O tsü keu hu shikhave moayesa nani kepi ithilo.”

1 Tim. 4:12

Timi khuu pelomu no ye lhothemi kepi O jukünatha pe kevilo, ikemu atsapi lo, süqeghili lo, kikimiye lo, aküpülü lo eno akimthe küxü lo küpülümiqo ghenguno kiche-kipiye qhitsülo.

Apostolmi 21:8

Thoghiu ye alà cheve püzü, ningu ye Caesarea tolu eno Philip tsavipeu ki lo ngolu, pa ye Jerusalem lo timi tsünì kishelu keqo gholo lakhi ke.

1 Tim. 4:15

Thime hipaqo vehu lo azükini shilo; eno hipaqo vehu lo O küxü kümtsü tsülo, tishianguno timi kümtsü ow thukuwu ithulu pelo.

1 Thes. 5:6

Ike tishiaye, ningu ye kütami toi zü akepu kumoe, ikemu ningu tsükhutsüvai eno alokütsü shini nolo.

Piyeküsü 3:2

Ithughivelo! Kiu no aphi eno kiu no thive niye shivea keno tipau shikumtolo, kughengu I Lhou zülo nono akümlà shiqhimo no akeu I no phuluvae.

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

IBRIMI 13:17

Nonguw sakiphemiqo shou pülükibe alo eno panongu kükagha ghokulu shilo, kughengu panongu ye khunoqo no panongu kümlàw kihikülai tsü moayesa cheni keno tipaqo toi nongu shou jukuto acheni ke. Panongu kümlà ye amakho kimshi toimo no alokiqishi shilu penike ghenguno hipau shilo, kughengu tiye nongu ghenguno kiumu alá küha nani ke.

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

Luke 12:37

Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Mark 13:37

I no nongu vilo kiu piani keno ni ye kümtsü vilo piani: ‘Jukuto alo!’ ”

Kolosiami 1:25

Alhou no I pelo nongu lau Alhou tsa kuchopu küsaje penike I pichetsü keu vechewo ni ye akukuhou qeu lakhi shivae.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Mark 13:34

Hiye timi lakhi no kicheghüzü lo wuve niye pa qemiqo lakhi-khi lau akümlà pichebeve keu toi ke, eno ahukikha lo akeu vilo jukuto alo ipikeu toi ke.

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

MATTHEW 25:16

Timi khuu ameshoyi jolabo pungu ithulupüa keno pa ye paikhavi wu püzü pesü pisa kimje keu vechewo ameshoyi jolabo pungu alá shiluve.