Biblia Todo Logo
Bib sou entènèt

- Piblisite -




2 Tim. 4:2 - Sümi Tiqhelimi Bible

2 Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

Gade chapit la Kopi

BAIBEL (BSI)

2 atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

Gade chapit la Kopi

Sumi Naga CL (Re-edited) Bible (BSI)

2 ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Gade chapit la Kopi




2 Tim. 4:2
36 Referans Kwoze  

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.


Tishiaye, no ye hipaqo vehu pesü shika moayesae. Kükagha kümtsü pephe no shikumto eno alòmi pilo. Khiu pelomu O jukünatha pe kevilo.


I no ighimo ke kutólo no ye timi mìshí lau Kuchoyesü phisü aní keu, shikumto eno shika aní keu lo amlotsüqhiyi lo.


I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.


Küghakiche hipau ye kuchou ke. Tighenguno panongu vilo mükamüghai alomipi lo, tishianguno panongu pelo panongu küpülü lo thebeilu pe


Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.


Tishimu, timi khuu no Alhou tsa shikakütsü ithuluni keno panongu ye thime kivi kümtsü pesü panonguw shikakütsüu gholo küsaje moayesae.


Lajupu akeu lo alovilo, aghime lo kutuu lo, akighini lo amlotsüqhiyi shilo.


Ikemu Timothio, no ye I kükütsü, I küxü ghola eno I kimiji kümtsü ithi ani. No ye I küpülü, iw kheakulu, iw kikimiye, iw kutuukulu ithi ani.


Ikemu kichimi khunoqo no axiné shi ani keno no ye kümtsü zülo no alòmi pilo, tishianguno kütamiqo pikichilu kepu shi nani ke.


Alhou no I pelo nongu lau Alhou tsa kuchopu küsaje penike I pichetsü keu vechewo ni ye akukuhou qeu lakhi shivae.


Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”


Apine tsalà atüghiu lo ningu no asho süpho chu niye kuhokumqoe. Paul no timiqo sasü küptsa ae, eno pa ye tishiwo thoghiu wuve nikeu shi akehu zübumta kutólo küptsa ae.


Sabbath tsalà lo ningu no mishighüna khagho vechesü akighini shi nikeu-a aghí nani kepi phusü aghoki lo wue. Ningu no tilehi iqa no totimi kumqo aghikemiqo sasü küptsae.


Jisü no pa vilo pi, “Kithimi pelo kithimi kumo shiqho apelo, ikemu no ye wu no Alhou kükaphu ghili pesü asheshu lo.”


Kughou panongu no Jisü lau ighi keno panongu no tsükhomo pa qhüiniju ghi pi, “Timi hipau ye O kukuphu ithulu küzüpu shi anie,


Tungkuptsaqo thaigha kevilo


Khukhumu I ju pesü lipimo kemi kümghae.”


Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,


Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.


Kughou ningu no Rome lo ighive keno Paul ye ghüshimi no ngokhe no pa likhi ngolu pe nikeu shive.


Kughou pama no Salamis tolu keno, pama no Jewmi Synagogqo lo Alhou tsa pesü asheshu. John no akukuphuu shi pama gholo che.


Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.


Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.


Swiv nou:

Piblisite


Piblisite