2 Tim. 3:6 - Sümi Tiqhelimi Bible

⁶ Panongu toi kemi ye müqümgha shi püzü timi ki lo ilo no miqemilei kemi totimiqo züluve cheni. Totimi tipaqo ye axiné no qhasü pesü acheni eno küsakügha kümlà jeli kümtsü shinishi keu no müsü sawuve cheni.

BAIBEL (BSI)

⁶ Hitoi shikemi gholo khamiye muqumgha shi puzu timi kilo ilono tomochhimokemi totimi alikhi axineno qaqhipesu achekeqo eno thwokha mine-migheyi achekeqo,

Sumi Naga CL (Re-edited) Bible (BSI)

⁶ Hipaqo gholo khami ye mqümgha shi akiqo lo ilo no, miqemlei kemi totimi, axine makho no qaqhipe akeqo, alaghi jeli lono minemighei keu pesü zü sawuve cheni,

2 Tim. 3:6 Referans Kwoze

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

2 Peter 3:17

Tighenguno, kimiye chekemi shompamiqo, nongu ye azüu no pikichivea ke ghenguno, nongu likhi nongu khekuto lo tishianguno ayeza hekibidemiw shikipimi pelo nongu müsü sasü wuve pemo eno nonguw mutotoi keu-a lono ikiqive pemo niye ke.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

Jude 1:16

Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

1 Kor. 12:2

Nongu no ithi akeu no nongu no Jewkumomi shi ache kelo kishikela shi püzü nongu sasü atsa pimla keu julho lhouqo lau saküghüzü sawuve pe cheke.

Mark 4:19

ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

1 Tim. 6:9

Khunoqo no kinikulu shinishi cheni keno panongu ye ghukuju, alichhe, nikhanigha jeli eno shiküpüsapu kükümsü khipaqo kütsakungo keu lo timi sailove cheni keno ghukuju tipaqo lo ikiqive cheni.

MATTHEW 11:28

“Nongu amakho kimishí xapu lhove kemiqo kümtsü I lau ighilo, I no nongu kulhoqhi tsü nike.

MATTHEW 4:24

Jisü ghili Syria qha kümtsü külha wove, eno timiqo no aküsǜ jeli sǜ akemi, ighono minheqhi sǜ akemi, tüghaküsa no tsüghape akemi, kilighakipemi, eno aphimpi ithamlave kemiqo kümtsü pa lau saighi; eno Jisü no panongu shipivi tsüe.

1 Tim. 5:6

Ikemu chimemi khuu no ashi lo ghakiqipu ghenguno xü acheni keno li ye xü aphi lono thive keu paphi ke.

MATTHEW 23:14

“Nongu ayeza kükütsümi ngò Phariseemiqo ghenguno ahaküsapue! nongu kühaküghaqou! Nongu no chimemiqo ki süxaluve cheni eno timi shipe pìye nike ghenguno akighini kushuwa shi acheni. Tighenguno nongu ye shishe aghime kitikhi sholu nani.