2 Tim. 3:16 - Sümi Tiqhelimi Bible

¹⁶ Kuchoyesü kümtsü Alhou no müzüsütsü keu ke eno kütsü nikeu, alomipi nikeu, shikithe tsü nikeu eno achipiumikucho lo qophe nikeu ghenguno peithakulupu ke,

BAIBEL (BSI)

¹⁶ Kughengu Kuchoyesu kumtsu Alhou no muzuphetsu keuke eno kuchou kutsupiyeni keu, akumou shiaghikelo alomipi nikeu, shipimikeulo shikithe nikeu eno achipishi xupenike akukutsu tsu nikeu, tipaqo kumtsulo peithakulupue,

Sumi Naga CL (Re-edited) Bible (BSI)

¹⁶ Kuchoyesü kümtsü Alhou no müzüphe tsüe, ti ye kuchou shiküka lo, sakiyi keu lo, shikithekütsü lo eno amikucho qokiphe kümtsü lo peithalu nani,

2 Tim. 3:16 Referans Kwoze

Rommi 15:4

Thime hitoi keqo no ningu shika niye püzüu no Kuchoyesü lo yèpe qhivae. Eno Alhou’w pikiqhi shikupu niye ningu no kutuukulu shi khe akelo Kuchoyesü no lajupu ningu tsü eno shikumto cheni.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.

Mark 12:24

Jisü no khochile, “Nongu ye Kuchoyesü mu Alhou küká ghilimu ithi amoke nongu ye shipimi anike kumo keshea?

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

Apostolmi 20:20

Nongu no ithi anike ni ye nongu kuphukulupu ghenguno kütsü nikeu lo kiumu süchilevemo ke ikemu mìshí zülo eno aki-aki lo ilo no nongu shika ke.

John 3:20

Küsakügha shi chekemi kümtsü no aküvü mithi ke, eno panongu kümlàqo pepheve nikeu kümsà lau no aküvü lo ighi chemoe.

MATTHEW 13:52

Pa no panongu vilo pi, “Tighenguno ayeza kükütsümi khunoqo no kungugha kükaphu lo akhopemi shiluvea keno, tiye aki mpeu no paw pekütsü chebo lono akughupu thime aqa ghí eno akithé ghí pesü ipeghi keu toi ke.”

Apostolmi 18:25

Pa ye Alhou sükümsa laghi lo akivishi shika puthu püa kemi, eno pa ye John baptiz likhi ithi akemi kemu ighono pulopiniyi shi Jisü ghili pikülha eno piküqümo no kütsü pìye chekemi ke.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

IBRIMI 3:7

Ike, Aghungu Kimthe no pikeu toi: “Ishí nongu no pa sütsa ini aye,

1 Kor. 12:7

Aqó kivipu ghenguno timi lakhi-khi lau Aghungu ghò tsü cheni.

Apostolmi 20:27

Kughengu ni ye Alhou pulou kümtsü pesü nongu vilo pikülha nikeu lo süchile pe püamoe.

John 10:35

Tsalá pa no Alhou tsa süghi kemiqo vilo ‘alhouqo,’ ipi ku cheni aye—Kuchoyesü ye akou qhivemlae—

MATTHEW 26:56

Ikemu hipaqo kümtsü shi akeu ye tungkupumiqo no Kuchoyesü lo yèpüa keu shikupuve niye ke.” Tishi akelo, akhopemiqo ye Jisü likhi qhive eno pokhave.

Apostolmi 1:16

no pi, “Athiküzümi eno achelimiqo, Kuchoyesü lo pipüa keu shikupu moayesae, tiye khaghi Aghungu Kimthe no David vechewo Judas khuu Jisü küghaluve kemiqo là kiche-kipiyeu shi keno pa ghili pipüa keu ke.

MATTHEW 21:42

Jisü no panongu vilo pi, “Nongu ye Kuchoyesü lo khilemu phimla aphi keshea? “ ‘Aki kishimi no atuqu milive keu no akhotou tuqu shivae; Ampeu no hipau shive tsüa, eno hiye ningu nhekithe lo akümzapue.’

Rommi 4:23

“Achipiu mikuchomi ipi pa kihitsüe” ipikeu tsa ye pa ghengu likhi no yèpüamoe,

IBRIMI 11:1

Tishiaye aküpülü ye ningu no laju akeu shou pülübe keu ngò ningu no ithumla keu shou pülüqhiyi keu ke.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Apostolmi 28:25

Panongu likhi panongu dolo no pulokile mülave püzü Paul no ashekhau tsa hi pive kethiu, panongu lakhi-khi no wove: “Aghungu Kimthe no Isaiah tungkupuu vechewo nongu pù-asüqo vilo pikeu ye kuchou ke:

Mark 12:36

David ampi no Aghungu Kimthe vechewo no ishi shuphe ke: “Ampeu no I mpeu vilo pi: I no O ghümiqo pesü O pukhu qholo qhitsümo ke kutólo I u ajeu iqalo.

MATTHEW 26:54

Ikemu I no tishive aye, Kuchoyesü lo hitoi shi moayesa nani ipikeu ye kíshi no shikupuni kea?”

MATTHEW 22:43

Pa no panongu vilo pi, “Imaye kushiye David ye Aghungu lono ‘Ampeu,’ ipi pa ku kea? Kughengu pa no ishi pi,