2 Tim. 3:15 - Sümi Tiqhelimi Bible

¹⁵ eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.

BAIBEL (BSI)

¹⁵ nono itimi shiaphi lono Kuchoyesu ithichekeu huno akupulu vechewo Khristo Jisu lau xachilekulupu kudau osawukepu lokutsu tsulu nanike.

Sumi Naga CL (Re-edited) Bible (BSI)

¹⁵ nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

2 Tim. 3:15 Referans Kwoze

Luke 24:45

Tisheno pa no panoqo pelo Kuchoyesü ithikuthulu penike panongu kükümsü khaqhi tsü.

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

MATTHEW 22:29

Jisü no khochile, “Nongu ye Kuchoyesü mu Alhou küká ghilimu ithi amoke ghenguno nongu ye shipimi anie.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

Luke 2:40

Jisü ye mutotoi thuwuve eno pa ye alokütsü no chhitoi shi no Alhou’w küpükini pa shou ae.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Luke 24:32

Pama no lakhi no lakhi vilo pi, “Kughou pa no alà lo nikujo pütsa eno Kuchoyesü lhepe nikujo pìye keno nikujo mlo lo lüvüi ighike kumo keshea?”

Apostolmi 17:2

Thosülo pa no shi chekeu toi, Paul no synagog lo wu no Sabbath tsalà küthü kutólo Kuchoyesü lono pa no timiqo sasü küptsa-kiqiju,

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Apostolmi 13:29

Kughou pa ghili yèpüa keu toi kümtsü panongu vechewo shikupuve keno, pa khopemiqo no kros lono pa sükumo ikhiqhive eno pesü akumoki lo qhove.

2 Peter 3:16

Pa ye paw yèsüqo kümtsü lo hipau tho ghola lono panoqo vilo hipaqo vehu ghili pi ghi yè ke. Paw yèsüqo lo thime hami akeqo ye vethalu nikeu lo ighono kushokütsü ke, tipau ye kümthami ngò a-a shimo kemiqo no Kuchoyesü kütauqo lau shiche ketoi panongu likhi panongu kütsakungo ghi tuchighi cheni ke.

Luke 1:15

kughengu pa ye Ampeu zülo kijè shi nani. Pa ye khilemu atsaizü jeli momu atsaizü kümkaqo peithamo nani, eno pa ye punú mphi züu no Aghungu Kimthe no chhitoive nani.

John 5:47

Ikemu nongu ye pa no yè keu papú pülümo ke kíshi püzü I no pikeu pülüluni kea?”

Apostolmi 16:1

Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke.

Apostolmi 26:24

Paul no pa shokha keu tsa pi akelo Festus no pa tsa vekha ghi müghachhoi shi pi, “No ye izüuvae, nono kutomo ithi akeu no O saküghüzü anie.”

Rommi 2:27

Nongu no akiyé yeza aghí eno aphighüyiko ghave aghí namu ayeza hekibidemi lakhi ke ghenguno Jewkumomi aphighüyiko ghamo namu ayeza gholu chekemi no nongu kiléqhive nani.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

Ephesiami 6:4

Apù-azanoqo, nongu nuliqo mlo shikighide tsü kevilo; tishini ke züqhulo Khristomi no qophe eno shika chekeu ghola lono panongu saputhulo.

1 Tim. 4:13

I no ighimo ke kutólo no ye timi mìshí lau Kuchoyesü phisü aní keu, shikumto eno shika aní keu lo amlotsüqhiyi lo.

2 Tim. 1:1

Yèsü hipau ye ni Paul, khuu Alhou pulou lono Khristo Jisü’w apostolmi lakhi shilu eno Khristo Jisü lolo aküxü akeu pikiqhi kiqi lono asheshu penike kishelu keno pa no yè ani.