2 Tim. 3:14 - Sümi Tiqhelimi Bible

¹⁴ Ikemu O ghengu ye nono kiu ithivea eno pülübeluvea keno tipau pape chelo kughengu no ye khunoqo lau tipaqo shikalu keno nono ti ithi anike,

BAIBEL (BSI)

¹⁴ Ikemu nouye khikhi oshikapiyeve akeno eno nono mutsuqheyi pulu ani keno tipaulo chechelo, eno khuu launo tipau shikalukeno ithilo,

Sumi Naga CL (Re-edited) Bible (BSI)

¹⁴ Ikemu nou ye khikhi o shikave eno nono mtsüqhei pülü ani keno, tipau lo chechelo, eno khuu launo ti shikalu keno ithilo,

2 Tim. 3:14 Referans Kwoze

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

2 Tim. 2:2

Eno thopimi kutomo gizü lono I no kütsü keu thimeqo nono ithitoiluve keu hu pesü no pükhübekulumi khunoqo no kütami kütsülu nani keno tipaqo ghí pichetsülo.

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

IBRIMI 10:22

ningu Alhou lau amikucho mlo eno aküpülü vechewo pülüqhiyi süghi chekeu pesü kupunú wuni nolo, kughengu ningu mlo ye alolo kighithi shikipimi lono shikimthevea ke eno ningu phimpi ye azü kütsüghǘ no küzüteve no qhukimthevea ke.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

1 Tim. 4:16

Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

2 Tim. 3:15

eno no ye ití lono Kuchoyesü ithi anike eno tipau hu no O pelo Khristo Jisü shou pülü keu vechewo xakulu ithulu pe nikeu lokütsü O tsüke.

Rommi 14:5

Timi khami ghengu ye atsala hami no atsala kütau nguno akimtheu kepi kümsü cheni; kütami ghengu ye atsala kümtsü aphiphi kepi kümsü cheni. Pütüta no alikhi akükümsü lo mutotoi shiluve kepue.

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Titus 1:9

Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.