2 Tim. 2:15 - Sümi Tiqhelimi Bible

¹⁵ Tolukivi thaqhü O likhi O pesü Alhou lau ikhikulupu shini ke pükapütsalo. Akümlàmi lakhi ye kuchou tsa pesü achipi shi hepho-piye keu ghenguno kujove kepu kumoe.

BAIBEL (BSI)

¹⁵ Akumlami lakhi huye pa kumlalo kujovemo nike kuchou sutsa akivishi pepimhe puzu Alhou zulo ikhikulupu shinike tolukivi thaqhu pukaputsalo.

Sumi Naga CL (Re-edited) Bible (BSI)

¹⁵ Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

2 Tim. 2:15 Referans Kwoze

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

1 Tim. 4:6

Nono athiküzümi eno achelimiqo lau thime hipaqo kiche tsülu aye, no ye Khristo Jisü qeu kivi lakhi shi nani. Eno nono aküpülü kuchou tsaqo eno akükütsü kivi pape chekeu hu no O lojiputhulu nani.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 5:9

Tighenguno ningu ye ayeghi lo xü aghí na tipau qhive aghí pinamu pa pulou shini keu no ningu kimiji shi cheni.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

2 Peter 1:15

Eno ni ye thowkha lo pükapütsa azükini shi püzü I no wuve kethiu nongu pelo alhokuthu thime hipaqo kümsülu ache penike pükapütsa nani.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

2 Kor. 3:6

Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

Rommi 14:18

Eno khuno no hipau ghola lono Khristo qeni keno Alhou mlokiqipu eno timi lopu shilu anike.

IBRIMI 4:11

Khiu pelomu panongu ghokulu kumo kiche-kipiye pape keu vechewo pühave pemo niye ke, tishianguno ningu ye akulhokiqhi-a tipau lo ilo nike thowkha lo pükapütsa ani nolo.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

1 Kor. 2:6

Tishimu ningu ye alayemi gholo alokütsü tsa pi cheni, ikemu hipau tiqheli momu hipau tiqheliw ayekipemiqo lokütsü kumoe, panoqo lokütsü ye hauve niye akeu ke.

Apostolmi 2:22

“Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Apostolmi 20:27

Kughengu ni ye Alhou pulou kümtsü pesü nongu vilo pikülha nikeu lo süchile pe püamoe.

MATTHEW 13:52

Pa no panongu vilo pi, “Tighenguno ayeza kükütsümi khunoqo no kungugha kükaphu lo akhopemi shiluvea keno, tiye aki mpeu no paw pekütsü chebo lono akughupu thime aqa ghí eno akithé ghí pesü ipeghi keu toi ke.”

Rommi 16:10

Apelles, khuu Khristo pülü akeu lo theqhikulu shi puthugholu keno, petha tsülo. Aristobulus kibolomiqo lau petha tsülo.

Luke 12:42

Ampeu no khochile, “Tishiaye khuu no pükhükulu eno alokütsü püghükütsüu kea, tiye ampeu no pa qemiqo jukuto eno ado achipi lono achuqu panoqo kijé tsüpe niye pichebe keu no keshea?

Mark 4:33

Jisü no aholetsa kimihi keu kutomo pesü panongu no vethakulupu qhemi lono pitsüe.

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.