2 Tim. 1:14 - Sümi Tiqhelimi Bible

¹⁴ O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

BAIBEL (BSI)

¹⁴ Aghungu Kimthe nilolo achekeu huno aghokivi opichebe puatsukeu hu jukutolo.

Sumi Naga CL (Re-edited) Bible (BSI)

¹⁴ Aghungu Kimthe ni lolo akeu vecheo, agho kivi o pichebe püakeu jukutolo.

2 Tim. 1:14 Referans Kwoze

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

Rommi 8:9

Ikemu Alhou Ghungu no nongu lolo aghí aye, nongu ye timi lhoaye kükaqha lo kumo no Aghungu kükaqha lo anike. Eno timi khukhumu Khristo Ghungu küha aye, pa ye Khristo laumi kumoe.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Thes. 5:19

Aghungu Kimthe ghapinhe kevilo.

2 Tim. 2:2

Eno thopimi kutomo gizü lono I no kütsü keu thimeqo nono ithitoiluve keu hu pesü no pükhübekulumi khunoqo no kütami kütsülu nani keno tipaqo ghí pichetsülo.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

Ephesiami 5:18

Aji shomzü kevilo, tiye ghüpoghüzü küxü lo sawuve cheni ke. Tishini ke züqhulo Aghungu Kimthe pesü nongu pichhilu lo

Ephesiami 2:22

Khristo gholo kimepe akeu lono nongu ghí Alhou no pa Ghungu vechewo ngo chekeu-a tipau aqó shi shiqhepukulu anike.

1 Kor. 9:17

I no akutoshi no kütsü aye, I ghenguno qesaxu ani; eno I no akutoshi no kütsü aghimo aye, ni ye I shou pükhübe no shipe niye pichetsü keu kümlà likhi shi anike.

Kolosiami 4:11

Jisü (Justus ipi ku chekeu) ghí petha nongu tsüpuwu ani. Alhou kükaphu ghenguno Jewmiqo dolo I gholo mülà küqha akemi ye panongu likhi ke, eno panongu ye shishe I lokughuno tsü acheni ke.

Galatiami 2:7

Tishini ke züqhulo, Jewmiqo lau atsakiviu kütsü pe nikeu kümlà Peter pichetsü ketoi, aphighüyiko ghamo kemi lau kütsü pe nikeu kümlà I pichetsü keu panongu no ikhilu tsüke.

2 Kor. 5:16

Ikehu ningu ye ayeghilomi gholau no timi khiumu chheju chemovae. Ghuthu lakhi ye ningu no hipau ghola lono Khristo chheju che kemu ningu ye tishi chemovae.

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 3:2

Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Luke 16:11

Tishiaye nongu no ayeghi lo küakini peitha akeu thotsü pichebe müla aye, khuu no kuchou kiní pesü nongu shou pichebeluni kea?