2 Peter 1:9 - Sümi Tiqhelimi Bible

⁹ Ikemu khuno no tipaqo küha keno panongu ye jukuchho küha kemi eno anhethi kighichemi ke, panongu ye panonguw wove keu xinéqo lono mitheluvea kepi kümsümave cheni.

BAIBEL (BSI)

⁹ Ikemu khunono hipaqo kuha keno panoye mamayi puzu kiumu ithumlake eno axine aqauqo launo shikimtheve tsukeu hu kumsumakhave ake.

Sumi Naga CL (Re-edited) Bible (BSI)

⁹ Kughengu khunono ameküapu hipaqo küha keno pa ye anhetsü ikholo kehu püzüu xine shikimtheve tsükeu pishipuwo ithulu chemoe.

2 Peter 1:9 Referans Kwoze

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Ephesiami 5:26

Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke,

Rommi 6:11

Tihutoi, nongu ye axiné lo thive kemi kemu Khristo Jisü lono Alhou gholo xü akemi shi nongu likhi nongu kihi lo.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Luke 18:22

Kughou Jisü no hi chilu keno, pa vilo pi: “No ye thime lakhi kupu mphie. O mheghi kümtsü jeve no kumlhomiqo tsüvelo, eno no ye kungugha lo O kinikhuki ania ke. Tisheno ighi püzü I papelo.”

Mark 10:21

Jisü no pa ju no ighono pa kimiyeve, eno ishi pi, “No ye thime lakhi kupu mphie, wolo eno O mheghi kümtsü jeve no kumlhomiqo tsüvelo, eno no ye kungugha lo O kinikhuki lo akiní ania ke. Tisheno ighi püzü I papelo.”

Piyeküsü 3:17

Nono, ‘Ni ye kiními ke; Ni ye aküakini kutomo pekütsüluvae eno thime lakhimu avehupu shi amoe,’ ipi cheni. Ikemu no ye ahaküsapu, kimiye kepu, athokhami, anhethi kighichemi, aphikümsa ngo ani kepi no ye mtha no anie.