2 John 1:2 - Sümi Tiqhelimi Bible

² kuchou khikhi ningu lolo xü acheni eno alhokuthu ningu gholo anani keno tipau ghenguno:

BAIBEL (BSI)

² kughengu kuchouye ningu gholo acheni eno alhokupujulo ningu sasu ache nani.

Sumi Naga CL (Re-edited) Bible (BSI)

² ti ye ningu lolo kuchou akeu eno alholo ningu gholo acheni ke ghenguno ke.

2 John 1:2 Referans Kwoze

1 John 2:17

Ayeghiqha eno tipau lo mine chekeu ye wove nani, ikemu khukhumu Alhou pulou shikeu ye alhokuthu xüache nani.

1 John 2:14

Kimiye chekemi anuliqo, I no nongu lau yè akeu ye nongu no Apù ithi akeu ghenguno ke. Apùnoqo, I no nongu lau yè akeu ye nongu no abothu lono khuu acheghi keno pa ithi akeu ghenguno ke. Lhothemiqo, I no nongu lau yè akeu ye nongu no akumto shi, eno Alhou tsa no nongu lolo xü acheni, eno nongu no küsaküghau theqhiluve ke ghenguno ke.

1 John 1:8

Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

2 Peter 1:12

Ike nongu no tipaqo ithi aghí namu eno nongu no itehi kuchou pighi akeu lo ithamo no ngo aghí namu ni ye alhokuthu nongu vilo thime hipaqo ghili pikithe anani.

2 Tim. 1:5

Ni ye O mikucho küpülü kümsülu ani. Amikucho küpülü tiye atüghishi opüza Lois gholo ache eno O zá Eunice gholo ache, eno itehi O gholo ghí ani kepi I no pülübe ani.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

1 Kor. 9:23

I no hi kümtsü shikeu ye atsakiviu ghenguno shike, tishianguno atsakiviuw kükümgha lo küsajelu niye ke.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 14:16

I no Apù vilo khu nani, eno pa no shikumtokütsüu kütau lakhi nongu kuphu penike eno nongu gholo pülhapuju apenike tsü nani—