1 Tim. 6:12 - Sümi Tiqhelimi Bible

¹² Aküpülü ghüshi akivishi shilo. Thopimi kutomo gizü lono nono akivi piphe keu vechewo khikhi Alhou no lhokta küxü lo O kulù keno tipau tsüqülulo.

BAIBEL (BSI)

¹² Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

Sumi Naga CL (Re-edited) Bible (BSI)

¹² Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

1 Tim. 6:12 Referans Kwoze

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 Tim. 1:18

I nu Timothy, ghuthu lakhi O lau tungkuptsaqo kütüghü keu kiqi lono I no azakütsü hipau O tsü ani. Tishianguno O pelo tipaqo kümsüchilelu no aküpülü eno alolo kükümsü kivi tsüqülu püzü akivishi aghüshilu peniye ke. Timi khami ye hipaqo milive no aküpülü vehu lo zükilu kütsave keu toi imeve ke.

2 Tim. 4:7

Ni ye akivishi aghü shivae, ni ye akupo lo ashe tovae, ni ye aküpülü pewo tovae.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

1 Tim. 6:13

Thowkha kümtsü aküxü tsü chekeu Lhou eno Khristo Jisü khuu Pontius Pilate gizülo thopi shi akelo akivi pikiphe shi keno pa zülo no I no O pichetsü ani,

1 John 2:25

Eno pa no ningu lau piqhipüa keu ye hike—tiye lhokta küxü ke.

IBRIMI 6:18

Ikehu Alhou no pikiqhi eno tushokiqhi shike, eno thime hiküma ye kilivekümlapu eno hipau lo Alhou ye akimki shivemla nani ke. Ikehu ningu khunoqo no lajupu ningu zülo qhipüa keu mutotoi tsüqüluve nike ghenguno wuve keno tipaqo pelo shishe shikumtoluve peniye ke.

2 Tim. 1:9

Pa no ningu xaluvae eno akimthe küxü lo xü penike ningu kulù ke—ningu no kiuala shilu keu ghenguno kumoe ikemu pa kimiji eno küpükini vechewo no ke. Küpükini hipau ye inahuu no Khristo Jisü vechewo ningu tsüvae,

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.

1 Tim. 6:19

Hitoi shikeu lono panongu no pano sala kungu lo akinikhuki pekütsü pesü püalu nani eno tipau no ighi nikeu tiqheli ghenguno aboqha kumto shilu nani, tishianguno panongu pelo khipau no kuchou küxü keno tipau küxü tsüqüluve peniye ke.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

1 Peter 3:9

Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

2 Thes. 2:14

Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Kor. 9:13

Kughengu nongu no akümlà hipau vechewo nongu likhi nongu kimchive tsü ake, eno nongu no Khristo tsakiviu ikhilu keu gholo aghokulu shikeu eno nongu no tsükini shikeu vechewo panongu sasü eno kütami kümtsü sasü küsaje keu ghenguno kütamiqo no Alhou sheqhe tsü nani.

IBRIMI 13:23

Ningu thiküzüu Timothy ye khaqhiphevea kepi ni ye nongu pelo ithive penishi ani. Tsalá pa no kighithe ighive aye, ni ye nongu sasü kusho nike pa gholo no ighi nani.

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

FILIPIAMI 1:30

Tishiaye I no kumjo achekeu nongu no ithulupüa keu eno ni ye tishi achephi kepi nongu no chilu akeu toi, nongu ghí kumjo keu sholu anike.

1 Tim. 4:14

Kughou kichimiqo no panongu u pesü O shou be keno tile no tungkuptsa vechewo aghungu ghò O tsü keu hu kughucho kevilo.

2 Tim. 2:2

Eno thopimi kutomo gizü lono I no kütsü keu thimeqo nono ithitoiluve keu hu pesü no pükhübekulumi khunoqo no kütami kütsülu nani keno tipaqo ghí pichetsülo.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.