1 Tim. 3:1 - Sümi Tiqhelimi Bible

¹ Timi khukhumu akukuho lo sakiphemi shinishiqhiyi aye pa ye ashekha aghilepu kümlà lo pa mlo belu anie, ipikeu tsa hiye kuchou ke.

BAIBEL (BSI)

¹ Timi lakhino akukuholo sakiphemi shinishiqhiyi aye paye ashekha aghilepu kumlalo pa mlo belu anie, ipikeu tsa hiye kuchouke.

Sumi Naga CL (Re-edited) Bible (BSI)

¹ Akipitsa hi ye pükhübe kulupue: Khukhumu akukuhou lo jukükütsümi shinishi aye, pa ye agigihupu kümla shinike pulo ani.

1 Tim. 3:1 Referans Kwoze

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

1 Peter 5:2

Alhou’w ambe loji nonguw tucho-mjokütsü qholo akeqo hu akivishi khekuto kepu shilo, panongu shou jukuto alo—tsükhomo shilo pikeu ghenguno kumoe, ikemu Alhou no nongu pelo shipe nishi akeu lo puloniqhiyi tipau shilo. Ajume ithulu keu ghengu likhi no kumoe ikemu amlo lono qe nikeu puloniqhiyi pù püzü shilo.

1 Tim. 1:15

Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

2 Tim. 2:11

Pükhübekulu küghakiche tsa lakhi ishi ani: Ningu no pa gholo thive aye, ningu ghí pa gholo xülu nani;

1 Tim. 4:9

Pükhübekulu küghakiche tsa hipau ye kümtsü no ikhilu küzüpu ke.

FILIPIAMI 1:1

Khristo Jisü qeu Paul ngò Timothy pama no, Khristo Jisü vechewo Philippi lo Alhou’w akimthemiqo eno panongu gholo jukükütsümi eno aghinimiqo kümtsü lau yèlu ani:

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

Ephesiami 4:12

tiye hukuthu kümlapù ghenguno paw timiqo kutokughoi pe qhi niye ke, tishianguno Khristo phimpi shiqhepukulu peniye ke,

Apostolmi 1:20

Peter no pi, “Kughengu Leshele kaku lo ishi yèpüani: “ ‘Pa kungo-a ye pighive pelo; khuu pelomu tile xüpe kevilo,’ eno, “ ‘kütami pelo pa sakiphe-a lo ngove pelo.’

1 Peter 4:15

Tsalá nongu no ime aye, tiye hekiqhimi momu küpkami momu ayeza heküxami toi keu, momu kütami pünaqhi chekemi no ime chekeu toi kepu kumoe.

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

Rommi 11:13

I no nongu Jewkumomiqo vilo piani. I no Jewkumomiqo lau apostol shi akeu toi ni ye I likhi iw timiqo pelo nongu ju pesü anheshu keu vechewo hakutholu no panongu hami likhimu xalu pe nikeu lajupu qhi no I kümlà lo agijivilei acheni.