1 Tim. 2:1 - Sümi Tiqhelimi Bible

¹ Tishiaye I no atüghishi nongu qhüiniju akeu ye timi kümtsü ghenguno inikhu tsülo. Panongu kümtsü züqhu shi alakipikütsü eno shikimthikütsü tsülo.

BAIBEL (BSI)

¹ Tishiaye thwokha kumtsu nguno akhotoushi ino hakite akeuye timi kumtsu ghenguno Alhou vilo khulo, akighini shilo, qhuiniju lo eno shikimthikeu tsulo;

Sumi Naga CL (Re-edited) Bible (BSI)

¹ Tishiaye kümtsü nguno atüghüshi, I no hakite akeu ye timi kümtsü ghenguno Alhou vilo khulo, akighini shilo, qhüiniju lo eno shikimthikütsü tsülo;

1 Tim. 2:1 Referans Kwoze

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

James 5:16

Tighenguno nongu xinéqo pesü lakhi no lakhi vilo piphe lo eno nongu ye viluve nike ghenguno lakhi no lakhi ghenguno akighini shilo. Amikuchomi kighini lo aküka kijè eno shikulupu anie.

Ephesiami 5:20

pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.

2 Tim. 2:24

Eno Ampeu qemi ye kiyi-muto kepu kumoe ikemu timi kümtsü lau akümtsha shi moayesa, kütsülu kemi shi moayesa eno kutuukulumi shi moayesae.

1 Tim. 2:4

Alhou ye kümtsü pelo xaluve penishi ke eno kuchou ithiluve keu lo ighive penishi ke.

FILIPIAMI 1:3

I no nongu kümsülu ke kümtsü lo I Lhou shikimthi acheni.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

Titus 3:2

khiumu pipütha pemo nikeu, külakishi eno kümsükulumi shi apeni keu eno alhokuthu lo kümtsü lau akümtsha shi apenike ghutú alo.

Titus 2:11

Kughengu, Alhou’w küpükini ye timi kümtsü lau xakulu tsü niye ipeghivae.

1 Tim. 5:5

Chimemi khuu no ighono aveküsa shi no li likhiveni keno li ye Alhou lau liw lajupu qhicheni eno putho-pucho kümtsü akighini shi no Alhou lau akukuphu khu cheni.

1 Kor. 15:3

Kughengu I no kiu ithulu keno ni ye akhotou shi nongu lau pekishe tsü anike; ike Kuchoyesü kiqi lono Khristo ye ningu xinéqo ghenguno thive,

Apostolmi 17:30

Khaghi mtha keu ghuloki lo ye Alhou no jukümghaleve tsüche, ikemu itehi ye pa no aqha kuchopu lo timi kümtsü vilo amlo pebide penike azah tsü ani.

1 Thes. 3:12

Ningu no nongu kimiye keu toi, Ampeu no nongu pelo lakhi no lakhi kimiyelu eno timi kümtsü kimiye keu lo alau thuwulu eno qochili apeniu.

Rommi 6:17

Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

2 Kor. 8:6

Ikehu Titus no püzüu akümlà huthuphe tsü keu toi, nongu sheamzü lo ghí küpükini kümlà hipau asheho tsüpe niye ningu no nongu qhüiniju ani.

Ephesiami 3:13

Tighenguno I no nongu vilo piani, I no nongu ghenguno ime akeu ghenguno aghüthisüve kevilo, tiye nongu juküvüpu ke.

Ephesiami 6:18

Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.