1 Tim. 1:16 - Sümi Tiqhelimi Bible

¹⁶ Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

BAIBEL (BSI)

¹⁶ ikemu puthaputsano Alhou no hipau kiqi ghenguno ikimiyekutuke tishianguno ni axinemi gholo alhoksau lolo Khristo Jisu pelo pawu kutuukulu lukumkhashi piyelupeniyeke. Pano ipelo hithiu pa pulu lupuzu lhokta kuxu ithuluniye akeqo lau kichekipiye lakhi shipeniyeke.

Sumi Naga CL (Re-edited) Bible (BSI)

¹⁶ Ikemu I no kimiyekini ithulu keu ye hi gheno ke, ni, axinemi kümtsü nguno alhoksau, vecheo Khristo Jisü no paw kupukülai keu kutuukulu piye, tishikeu lono pa pülülu keu lono lhokta küxü ithuluni kemi lau kichekipiye shi peniye ke.

1 Tim. 1:16 Referans Kwoze

1 Tim. 1:13

Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

Ephesiami 2:7

tishi keu vechewo ighi nikeu tiqheli lo pa no paw kimghi müla keu küpükini kiní khikhi Khristo Jisü vechewo paw küpüqhiyi keu ningu lau pephe-piyevea keno tipau pìye niye ke.

Luke 7:47

Tighenguno I no O vilo pìní, li no kikimiye kijè pephe-piye ketoi li xiné kutomo akeu qhive tsüa. Ikemu khuno lau akipimí kitila likhi qhivetsü akeno kikimiye kitila likhi ke.”

2 Peter 3:15

Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

2 Peter 3:9

Timi khami no asheshi keu vethalu chekeu kiqi lono Ampeu ye pa no piqhive keu pape nike asheshive cheni küghashi kemu tishimoe. Tishini ke züqhulo pa ye nongu lau kutuukulu shi acheni, pa ye nongu khuu pelomu pühave penishimo ke, ikemu kümtsü pelo amlo pebideve penishi anike.

1 Peter 3:20

tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

John 6:54

Khukhumu I shi chu eno I jì ye keu ye lhokta küxü anani eno I no ashekha tsalà lo panongu xüputhu nani.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

2 Thes. 1:10

Tipau tsalà lo Ampeu’w akimthemiqo no pa juküvü shi nani eno pa pülüluve kemiqo kümtsü no pa sümsa ghi sheqhe nani. Nongu ghí hilehi kihisü ani, kughengu nongu no ningu küxü shepe nongu tsü keu pülü ke.

Ephesiami 1:12

Tishi keu vechewo ningu khunoqo no atüghimi shi Khristo shou ninguw lajupu qhilu keno, ningu pelo ajuküvü eno akishé pa tsüpe niye ke.

Ephesiami 1:6

hiye pa juküvüpu küpükini khikhi pa no kümsá no pa no kimiye chekeu Anu vechewo ningu tsü keu sheqhe peniye ke.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

Rommi 15:4

Thime hitoi keqo no ningu shika niye püzüu no Kuchoyesü lo yèpe qhivae. Eno Alhou’w pikiqhi shikupu niye ningu no kutuukulu shi khe akelo Kuchoyesü no lajupu ningu tsü eno shikumto cheni.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Luke 23:43

Jisü no pa khochile, “Kuchou no I no O vilo pìní, no ye ishí no I gholo alokughuno-a lo aniae.”

Luke 15:10

I no nongu vilo pìní, tihutoi kughou axinemi lakhi no amlo pebideni keno Alhou’w kungumiqo no alovishe acheni.”

1 Kor. 7:25

Itehi ye akibo shimove kemiqo lau hi piani: Ni ye Ampeu lau no azakütsü kiumu kühae, ikemu I no Ampeu’w kimiyekini eno pükhükulumi lakhi shi akeu vechewo iw xakütha lakhi tsü ani.