1 Tim. 1:15 - Sümi Tiqhelimi Bible

¹⁵ Hiye kümtsü no ikhilu küzüpu eno pülü kepu tsa pikeu lakhi ke: Khristo Jisü ye axinemiqo xalu nike ghenguno ayeghi lo ighike—eno ni ye axinemi kümtsü nguno alhoküsau ke.

BAIBEL (BSI)

¹⁵ Hiye kumtsu ikhilu puzu pulukepu tsapi lakhie, tiye axinemi xalunike Khristo Jisu no ayeghiqha lau ighie. Niye axinemi kumtsu nguno alhoksau ke;

Sumi Naga CL (Re-edited) Bible (BSI)

¹⁵ Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

1 Tim. 1:15 Referans Kwoze

Mark 2:17

Hi chilu kelo Jisü no panongu vilo ishi pi, “Küsükinimi no kumo aye ashi-aji viakemi ye shikipivimi avehupu shichemoe. Ni ye amikuchomiqo ku niye ighimoe, ikemu axinemiqo ku niye ighike.”

Luke 19:10

Kughengu Timi Nu ye pühave kemi phu niye eno xalu nike ighie.”

John 12:47

“Tsalá khuala no I tsaqo chilu püzü tipaqo papemo namu ni ye timi tipau shou küghathabemo nani. Kughengu ni ye ayeghiqha shou küghathani ye ighike kumoe ikemu ayeghiqha xalu niye ighike.

John 1:12

Tishimu pa ikhilu kemiqo, eno pa je lo pülübelu kemiqo pelo Alhou nuliqo shilu pe nikeu chipiu tsüe—

Luke 5:32

Ni ye amikuchomiqo ku niye ighimoe, ikemu axinemiqo pelo xaideghi peniye ighike.”

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

1 Tim. 1:13

Ghuthu lakhi lo ni ye achine pipütha chekemi lakhi, Khristomi pishi-puju chekemi lakhi eno ngukangughami lakhi shi aghí namu, I lau kimiyekini pìye ke kughengu ni ye mtha keu eno pülü müla keu lono mülà itha cheke.

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

MATTHEW 9:13

Ikemu wulo eno atsa hipau kiqi ye kiu keno ithilu lo: ‘Ni ye kimiyekini lunishi cheni ke thono aghakishi kumoe.’ Kughengu ni ye amikuchomiqo ku niye ighimoe ikemu axinemiqo ku niye ighike.”

MATTHEW 1:21

Li no anu lakhi punú nani, eno no ye pa je Jisü kutsü nani, kughengu pa no paw timiqo panongu xinéqo lono xalu nani.”

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 Tim. 4:9

Pükhübekulu küghakiche tsa hipau ye kümtsü no ikhilu küzüpu ke.

Rommi 5:6

Ado achipi lono eno ningu no miqemilei ake lono Khristo no ningu axinemiqo ghenguno thive ke.

1 John 3:8

Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

1 Tim. 3:1

Timi khukhumu akukuho lo sakiphemi shinishiqhiyi aye pa ye ashekha aghilepu kümlà lo pa mlo belu anie, ipikeu tsa hiye kuchou ke.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

2 Tim. 2:11

Pükhübekulu küghakiche tsa lakhi ishi ani: Ningu no pa gholo thive aye, ningu ghí pa gholo xülu nani;

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

1 John 5:11

Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.

MATTHEW 18:10

“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 11:1

Judea qha kümtsü lo Jewkumomi ghí Alhou tsa ikhiluvae ipikeu apostolmi ngò küpülümiqo no chilu.

Luke 15:2

Ikemu Phariseemi eno ayeza kükütsümiqo no nhenheshi hitoi pi, “Timi hipau ye axinemiqo ikhilu eno panongu gholo chu-sho anie.”

1 Tim. 6:13

Thowkha kümtsü aküxü tsü chekeu Lhou eno Khristo Jisü khuu Pontius Pilate gizülo thopi shi akelo akivi pikiphe shi keno pa zülo no I no O pichetsü ani,

MATTHEW 18:11

Kughengu Timi Nu ye pühave kemi phu niye eno xalu nike ighie.”