1 Peter 5:8 - Sümi Tiqhelimi Bible

⁸ Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

BAIBEL (BSI)

⁸ Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

Sumi Naga CL (Re-edited) Bible (BSI)

⁸ Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

1 Peter 5:8 Referans Kwoze

Ephesiami 6:11

Alhou ghünanu kümtsü pepulo, tishianguno nongu ye tüghami müqümgha lhoküsaqo zülo puthugholu kepu shi nani.

James 4:7

Tishiaye O likhi O pesü Alhou qhoqhü lu lo. Tüghami mjochile lo, eno pa ye O lau no pove nani.

Ephesiami 4:27

Eno adokivi pesü tüghami tsü kevilo.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

Luke 22:31

“Simon, Simon, Satan no amuu fuleve ketoi nongu kümtsü peju nike khuluvae.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Piyeküsü 12:12

Tighenguno kungugha eno nongu tile akemiqo alovishelo! Ikemu ayeghi eno azüghi ghengu ye ahasapue, kughengu tüghami hu ye nongu lau iqivae! Pa ye amlokighide no chhitoi ani kughengu pa do ye ikhonhei likhiva kepi pa no ithi anike.”

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

MATTHEW 13:39

eno aghümi khuu no alupiqo xusü keno tiye tüghami ke. Ghile ye ashekha ghuloki ke, eno ghile hu kemiqo ye kungumiqo ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

MATTHEW 24:42

“Kiu tsalà lono nongu Mpeu ighi nani keno nongu ye mtha ke ghenguno jukuto alo.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

Titus 1:8

Ikemu, pa ye inami sasükinimi shi aghí moayesa, kiu no alo keno kimiye chekemi, alikhi aghasü kulumi, amikuchomi, akimthe eno aghokulumi shi aghí moayesae.

2 Tim. 4:17

Ikemu Ampeu no I küdau puthugho eno aküka I tsüke, tishianguno I vechewo akükütsü sütsa kümtsü asheshulu peniye eno Jewkumomiqo kümtsü pelo chilu peniye ke. Eno abongushuu baxa lono I xapheluve ke.

Titus 2:6

Tihutoi, kipitimi lhothemiqo vilo alikhi aghasülu nikeu shikumtolo.

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

1 Tim. 2:15

Ikemu totimiqo no aküpülü, kikimiye eno akimthe gholo achipi küxü xü aye panongu ye angá punú keu vechewo xalu nani.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.

Titus 2:4

Tishianguno panongu ye panongu nguno ayitiuqo vilo panongu kimi eno panongu nuliqo kimiye lo ipi hakitelu nani,

1 Tim. 3:11

Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

1 Tim. 2:9

Ni ye totimiqo pelo no ghí tiphimini kithikiyi, jukivi eno achipi shi pepu penishi. Panongu pelo ajeli shi asà pilipu, ameshoyi momu achiku momu amekusho tiphimini pepu keu vechewo no kumo,

MATTHEW 4:1

Tipathiu Alhou Ghungu no Jisü sasü küghünamokeu-a lo tüghami pelo ghuju penike pa sasü wuve.

1 Tim. 3:2

Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,

MATTHEW 25:41

“Tishi no pa no pa u piyiu akeqo vilo pi nani, ‘I lau no wuvelo, nongu ghushove no alhomi lo tüghami eno paw kungumiqo ghenguno kutò pe qhive kemiqo.

MATTHEW 4:11

Tipathiu tüghami ye Jisü qhive no wuve, eno kungumiqo no ighino pa tucho-hiju luve.

Mark 4:15

Timi khami ye alaphe lo apitì ikiqi iku keu toi Alhou tsa vesü ke. Ikemu panongu no Alhou tsa chiluve kemtsa, Satan no ighino Alhou tsa panongu lolo vesü püakeu ikhipe wuve cheni.

2 Kor. 2:11

Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.

Piyeküsü 12:10

Tipathiu kungugha lono asütsa kuloghi lakhi no ishi pikeu I no chilu: “Itehi ye xakulu eno aküka eno ningu Lhou’w kükaphu eno Messiah kükagha ighivae. Kughengu putho-pucho ningu Lhou zülo ningu thiküzümi eno achelimiqo nguku achekeu hu ye aqhou vepiqivae.