1 Peter 4:7 - Sümi Tiqhelimi Bible

⁷ Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

BAIBEL (BSI)

⁷ Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

Sumi Naga CL (Re-edited) Bible (BSI)

⁷ Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 Peter 4:7 Referans Kwoze

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 5:8

Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

Luke 21:34

“Tsaqütsalei lo, tishimo aye itho-igho, chumzü shomzü eno hipau küxü sala phu keu lono nongu mlo saqhiyive nani, eno tipau tsalà no alichhe lo kitimelu ake toi zülile no O phivilo ighi nani.

IBRIMI 10:25

kümtsa kusho chekeu phevemoni, kughengu timi khami ye alhoaye shi ighi chemo ke, ikemu lakhi no lakhi shikumto kileni—eno tinguno alau nongu no ithulu akeu toi Ampeu Tsalá hu ye kupunú wochae.

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

FILIPIAMI 4:5

Timi kümtsü pelo nonguw iqüighai keu ithulu pelo. Ampeu ye kupunukhoi ani.

Luke 22:46

Ike pa no panongu vilo pi, “Nongu ye kushiye zü ani kea? Ithuvelo eno ghukuju lo ikiqimo nike inikhulo.”

Piyeküsü 16:15

“Julo, ni ye küpkami lakhi toi ighini cheni! Timi khuu no züida aghí püzü tiphimini pepumini aghíni keno tipano kümghae, kughengu pa ye aphikümsa iqho-iqimo nani eno timi gizülo akukujopu shivemo nani.”

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.

Ephesiami 6:18

Ado aghuloki kümtsü lo Aghungu lono qhüiniju eno inikhu achelo. Amlo lo hipau qhi no kutokughoi alo eno pülhapuju Ampeu’w timiqo kümtsü ghenguno tamo no inikhu achelo.

1 Kor. 15:24

Kughou Khristo no akükaphu jeli, kükagha eno aküka jeli kümtsü kütsave no akükaphu pesü Apù Alhou lau tsüveni keno tithiu no ashekha tsalà ighi nani.

1 Kor. 7:29

Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe;

MATTHEW 24:42

“Kiu tsalà lono nongu Mpeu ighi nani keno nongu ye mtha ke ghenguno jukuto alo.

Luke 21:36

Ikehu ado kümtsü lo lotsüloghui alo, eno hipaqo shikupu niye akeu kümtsü lono pokajolu penike eno tishilu keu vechewo no ye Timi Nu zülo puthugholu penike ghenguno inikhu alo.”

MATTHEW 25:13

“Tighenguno jukuto alo, kughengu nongu ye atsala momu ayì kihedo vehu mtha ke.

IBRIMI 9:26

Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.