1 Peter 4:19 - Sümi Tiqhelimi Bible

¹⁹ Ike tishiaye, khunoqo no Alhou pulou kiqi lono ime ani keno panongu ye panonguw pükhübekulu Pulhoküsüu lau pano likhi panongu ikhiphe pesü tsüve no akivi kümlà mülakibe moayesa nani.

BAIBEL (BSI)

¹⁹ Tighenguno khunoqono Alhou pulou lono aghime sholuni keno achipiu mlalo eno panongu kuxu pesu Lhokusuu lau pichebeve pelo.

Sumi Naga CL (Re-edited) Bible (BSI)

¹⁹ Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

1 Peter 4:19 Referans Kwoze

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

1 Peter 3:17

Kughengu tsalá Alhou pulou shi aghí aye küsakügha kümlà shikeu ghenguno ime akepu ye akivi kümlà shikeu ghenguno ime keu pavi ke.

1 Peter 2:15

Kughengu nongu ye akümlà kivi shikeu vechewo nikhanighamiqow akümtha tsa hasülu moayesa keu no Alhou pulou ke.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Apostolmi 7:59

Panongu no atu pe Stephen veqhi akelo Stephen no ishi inikhu, “Ampeu Jisü, I küxü ikhilu tsülo.”

Luke 23:46

Jisü no asütsa kuloghi lono igha no pi, “Apùo, O u lo I ghungu kulhoqhive tsü ani.” Kughou pa no hi pive keno, pa ye süthahuve.

1 Peter 3:20

tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,