1 John 4:9 - Sümi Tiqhelimi Bible

⁹ Alhou no hitoi paw kikimiye ningu lau pìye ke: Pa no pa Nu lakhi likhi akeu pesü ayeghi lo puwu ke, tishianguno ningu pelo pa vechewo xülu peniye ke.

BAIBEL (BSI)

⁹ Alhou kikimiye ningu gholo pephepiyeve keuye hipauke: Alhou no paNu akighipi akeu pesu ayeghiqhalo puwutsu, tishianguno pa vechewo ningu pelo xulupeniyeke.

Sumi Naga CL (Re-edited) Bible (BSI)

⁹ Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

1 John 4:9 Referans Kwoze

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

1 John 5:11

Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

John 6:57

Xü akeu Apù no I puwu eno Apù vechewo I no xü ake toi, khuu no I no lojí keu chuni keno pa ye I vechewo xülu nani.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

1 John 3:16

Kikimiye ye kiu keno ningu no hitoi ke ipi ithi acheni: Jisü Khristo no ningu ghenguno pa küxü tsüve ke. Eno ningu ye athiküzümi eno achelimiqo ghenguno ningu küxü tsü moayesa ke.

John 10:10

Küpkami ye püka, heqhipithí eno kütsakungo nike ghengu likhi no ighi cheni; I no ighi keu ye panongu pelo aküxü ape niye ke, eno aküxü tipau hu kupukuno shi ape niye ke.

John 6:51

Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 3:18

Khuno no pa pülüni keno kiléqhivemoe, ikemu khuno no pülümo nike no kiléqhive aghí cheni kughengu panongu no Alhou Nu lakhi likhi akeu je shou pülümo ke.

IBRIMI 1:5

Kughengu Alhou ye kungumiqo khuu vilo kughou no hitoi pipüani kea, “No ye I nu ke; ishí no I no O pù shiluvae” Momu itaghi, “Ni ye Papù shive nani, eno pa no I nu shive nani.”

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Mark 12:6

“Pa ye puwu nike ghenguno timi lakhi likhive, tiye pa no kimiye chekeu panu ke. Pa no ishi pi ghi kümtsü gholo ashekhau puwu, ‘Panongu ye I nu gihu kepu ke.’

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 6:29

Jisü no khochile, “Alhou kümlà hu ye hike: pa no puwu keu shou pülüni keu.”

John 8:29

Khuu I puwu keno pa ye I gholo ani; pa ye I likhi qhive mphi, kughengu ni ye alhokuthu kiu no pa pulou keno tipau shi cheni.”

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

John 9:3

Jisü no khochile, “Timi hipau xiné momu pa pù-aza xiné ghenguno kumoe! Ikemu hi shive keu ye pa vechewo akughushu Lhou kümlà pephe-piye niye ke.

1 John 5:13

Ni ye nongu khunoqo no Alhou Nu je shou pülü cheni keno nongu lau thime hipaqo yè ani, tishianguno nongu pelo nongu ye lhokta küxü ani kepi ithi peniye ke.