1 John 3:8 - Sümi Tiqhelimi Bible

⁸ Khukhumu kiu no axiné keno tipau shi chekemi ye tüghamiw ke, kughengu tüghami ye abothu lonomu axiné shisü chephi ke. Alhou Nu no ipeghi keu kiqi ye tüghami kümlà kütsakungo nikeu ghenguno ke.

BAIBEL (BSI)

⁸ Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.

Sumi Naga CL (Re-edited) Bible (BSI)

⁸ Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

1 John 3:8 Referans Kwoze

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Kolosiami 2:15

Hipau ghola lono pa no aküka eno kükaghaqo küká ikhiluve tsüke eno kros lono panongu shou toluve keu vechewo mìshí zülo no panongu shikukujo ke.

Rommi 16:20

Alokughuno tsü chekeu Lhou no kighithe Satan nedaqhive no nongu pukhu qholo qhivetsü nani. Ampeu Jisü’w küpükini nongu gholo apeniu.

John 16:11

eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

2 Peter 2:4

Kughengu kughou kungumiqo no axiné shive keno Alhou ye panongu kipimí qhitsümo no amiyizü lo sǘve eno küghathabe nike ghenguno àküzǘ yikichhe pesü panongu tshüpe qhive cheni aye;

Mark 1:24

“Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani, no ye Alhou’w Akimtheu hu ke!”

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Luke 10:18

Pa no khochile, “Tsütsüpha toi atsütsǘ lono Satan ikiqi keu I no ithulue.

1 John 3:10

Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

MATTHEW 13:38

Alu ye ayeghiqha ke, eno apitì kivi ye kükaphu lo timiqo ke. Alupiqo ye küsaküghamiqo ke,

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Jude 1:6

Eno kungumi khipaqo no panonguw kükagha-a pe müla püzü panonguw achipi kungo-a qhive cheni keno—pa no hipaqo àküzǘ lo qhive ke, tipaqo ye lhokta yikichhe pesü küghakütha Tsalá kijè ghenguno tshüve cheni.

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

MATTHEW 12:28

Ikemu I no Alhou Ghungu küká vechewo tüghaküsaqo haphe aye, tiye Alhou kükaphu nongu shou ikughi anike.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

IBRIMI 9:26

Tishimo aye Khristo ye ayeghiqha lhopheve keu thiu ghuthu kutomo ime moayesave niche ke. Ikemu pa ye ghuthukhavi lono alhokupuju ghenguno pa likhi pa no aghakishi shive keu vechewo axiné peve nike ghenguno tiqheli kishekha lo ipeghi ke.

1 John 1:2

Aküxü hu ipeghi ke; eno ningu no tipau ithuluve no thopi shi cheni, eno ningu no nongu lau lhokta küxü hu asheshu acheni, tiye Apù gholo ache no ningu lau ipeghi keu ke.