1 John 2:6 - Sümi Tiqhelimi Bible

⁶ Khukhumu pa ye Alhou gholo xüani kepi pükha aghí aye Jisü no xü keu toi xü moayesae.

BAIBEL (BSI)

⁶ khunono paye Alhou gholo xukimepe acheni ipini keno paye Jisu Khristo no kishi xukeno titoi pa ghi xukepue.

Sumi Naga CL (Re-edited) Bible (BSI)

⁶ khuu no pa ye Alhou laumi ipini keno pa ye Jisü no cheche keu laghi lo chewu kepue.

1 John 2:6 Referans Kwoze

1 Peter 2:21

Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

John 13:15

I no nongu ghenguno kiu shi keno nongu pelo tishi peniye nongu lau kiche-kipiye shive tsüae.

1 Kor. 11:1

I no Khristo kimihi shi ketoi nongu ghí pa kimihi shilo.

1 John 3:6

Pa gholo xüluve kemi ye axiné shiauve chemoe. Tamo no axiné shi ache kemi ye khunomu pa ithulu ke kumo no pa mtha aphie.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

MATTHEW 11:29

Iw kuokhasü ikhilu no pepulo eno I lau no shikalulo, kughengu ni ye amlo kümtshami eno aqhokighemi ke, eno nongu ngulho ghenguno akulhokiqhi phulu nani.

1 John 2:4

Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

1 John 2:28

Eno itehi ye, kimiye chekemi anuliqo, pa gholo cheche lo, tishianguno kughou pa no ipeghi keno ningu pelo pa zülo kujovemo no pülüqhiyilu peniye ke.

John 15:10

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

1 John 4:17

Ningu pelo küghakütha tsalà lo pülüqhiyilu penike ghenguno ningu gholo kikimiye ye hitoi kupukülailu cheni: Hipau yeghi lo ningu ye Jisü toi acheni ke.