1 John 2:2 - Sümi Tiqhelimi Bible

² Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.

BAIBEL (BSI)

² Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

Sumi Naga CL (Re-edited) Bible (BSI)

² Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 2:2 Referans Kwoze

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

John 4:42

Panongu no totimi vilo pi, “Ningu ye nono kiu pi keno tipau ghengu likhi no pa pülü keu shimovae; itehi ye ningu ampi no pa tsa chiluvae, eno ningu no timi hipau ye kuchou no ayeghilomi’w Xakuluu kepi ithivae.”

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

John 12:32

Eno kughou I süqheveni keno, I no timi kümtsü I lau sünhe sasü ighive nani.”

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

1 John 3:5

Ikemu nongu no ithi akeu toi pa ye ningu xinéqo ikhipe wuve nike ghenguno ipeghi ke. Eno pa lolo ye axiné küha ke.

Luke 14:22

“Tishive kethiu aqeu hu no ideighi püzü pi, ‘Akijeu, nono azah tsü keu toi shivae ikemu itaghi a-a aphie.’